Soũ 62 - Bòó Bibeli Luayãtaala

Lua mɛ́ ulɛkĩi ũ

¹ Davidi lɛ.

² Lua ado mɛ́ tò ma sↄ̃ dilɛa, ↄ̃mɛ ì ma suaba.

³ Ɔ̃mɛ ma gbɛsi ũ, ma Suabana ũ. Mi gbãa'ewà, má fu bauo.

⁴ Gɛ̃n ũma áↄ ãna'ãna gbɛ̃́wai? Á aà nɛ lán gĩ̀ yɛɛlɛa ge kaa ziwa yã̀?

⁵ Aà goa a tía lɛ́ ↄ̃ álɛ kpaaĩ, ɛɛtoa mɛ́ ì kɛɛ́ na. I samaa'o gbɛ̃́ɛ ń lɛ́oɛ, ↄ̃ i ń ká á sↄ̃ guu.

⁶ Lua ado mɛ́ tò ma sↄ̃ dilɛa, asa aàpi ma wɛ́ dↄi.

⁷ Ɔ̃mɛ ma gbɛsi ũ, ma Suabana ũ. Mi gbãa'ewà, má fu bauo,

⁸ Ma aafia ń ma bɛɛɛo ì bↄ aà kĩ́iɛ, ↄ̃mɛ ma gbɛsi gbãa ũ, ↄ̃mɛ ma ulɛkĩi ũ.

⁹ Gbɛ̃́ↄ, àↄ aà náai vĩ gↄↄpii, à á sↄ̃ wɛ̃ɛ̀, ↄ̃mɛ wá ulɛkĩi ũ.

¹⁰ Gbɛ̃nazĩnaↄ dɛ lán lɛ́'ĩanawaɛ, an kee náai vĩo. Tó wà ń yↄ̃́ kiloowa, ampii aaↄ dɛ fauunnↄɛ.

¹¹ Ásu gbɛ̃ble'ↄ̃a náaikɛo, ásu ĩ́anadã ń kpã́i pↄ́oo. Tó á àizɛɛ lɛ́ kↄ̃́, ásu to à á sↄ̃ bleo.

¹² Yã́ mɛ̀ndo Lua ò, yã́ mɛ̀n plaɛ beeↄ má mà: Lua mɛ́ gbãa vĩ,

¹³ mɛ́ mpi Dii, ḿmɛ ń gbɛ̃kɛ vĩ, ↄ̃ ni fĩaboò baadeɛ a yãkɛawa.

Lean sinn:

Ceanglaichean taic

Sanasan