Soũ 61 - Bòó Bibeli Luayãtaala

Kía wabikɛa Luawa

¹ Davidi lɛ.

² Lua, swã́sɛ ma wiilɛai, laaidↄ ma wabikɛawa.

³ Kua za tↄↄlɛ lɛ́wa ma lɛzùnzi. Ma sↄ̃ lɛ́ wo ↄ̃ ma n sisi. Gɛmanↄ gbɛsi pↄ́ a lɛsĩ dɛmala kĩ́i.

⁴ Asa ḿmɛ ń ma aafia'ekĩi ũ, ma kalanga gbãa ũ ma ibɛɛↄ aɛ.

⁵ Má ye màↄ ku n ua gↄↄpiiɛ, míↄ sↄlↄa n kúlukulunau.

⁶ Lua, asa n ma lɛgbɛ̃anɛ mà, ↄ̃ n gba pↄ́ ni da n vĩakɛnaↄnɛ dàmɛɛ.

⁷ Kía wɛ̃ni dↄɛ̀ ń mↄgalao, to aà ka a gↄↄwa.

⁸ Aàↄ kpalable n dↄ̃a guu gↄↄpii, ǹ aà dↄ̃́a n gbɛ̃kɛ ń n náaio yã́i,

⁹ míↄ n táasilɛ lá gu lɛ́ dↄ, míↄ lɛ́ pↄ́ má kɛ̀ma fĩabo gↄↄpii.