Bìoball air-loidhne

Soũ 60 - Bòó Bibeli Luayãtaala

Wá zĩble ń Lua gbãao
1-2 Lɛ pↄ́ Davidi dà gↄↄ pↄ́ à zĩkà ń Sili pↄ́ kú Mɛsↄpↄtami bùsuu ń Zoba bùsuuↄ, ↄ̃ Yoabu sù à Ɛdↄũↄ dɛ̀dɛ Guzulɛ Wisideu gbɛ̃ↄn ↄ̀aasↄsↄo lɛɛ kuɛpla (12.000).

^1-2 Lɛ pↄ́ Davidi dà gↄↄ pↄ́ à zĩkà ń Sili pↄ́ kú Mɛsↄpↄtami bùsuu ń Zoba bùsuuↄ, ↄ̃ Yoabu sù à Ɛdↄũↄ dɛ̀dɛ Guzulɛ Wisideu gbɛ̃ↄn ↄ̀aasↄsↄo lɛɛ kuɛpla (12.000).

³ Lua, n pↄ pàwázi, n ↄpɛ̀wá n wá vũaa, ɛa ↄkawázi sa.

⁴ Ń tò wá bùsu lùa e à pàa, ɛa ǹ a gbɛ tata, asa à gↄ̃̀ looaɛ.

⁵ Ń tò n gbɛ̃́ↄ yã́ zĩ'ũ è, n í gbãa kàkawɛ̃ɛ ↄ̃ wa pãpãzɛa.

⁶ N dàlapoo dà n vĩakɛnaↄnɛ kɛ́ aa e bↄ gbɛ̃́ↄ ka lɛ́zĩ.

⁷ Wewá, wá suaba ń n gã̀sa gbãao, kɛ́ wápiↄ n gbɛ̃́ yenzideↄ wá e bↄ.

⁸ Lua yã'ò za a kúkĩi à mɛ̀: Má Sikɛũ kpaalɛ ń tidↄańlao, mí Suko guzulɛ kpámá.

⁹ Galada bùsuá ma pↄ́ɛ, Manase buiↄ bùsuá ma pↄ́ɛ, Ɛflaiũ buiↄ bùsuá ma mↄ̀ fùaɛ, Yuda bùsuá ma lípanaɛ.

¹⁰ Mↄabuↄ bùsuá ma zion zu'obↄɛ, mi a kyale kálɛ Ɛdↄũↄ bùsuwa, mi kúkua dↄ Filitɛ̃ↄ bùsuwa.

¹¹ Dé mɛ́ a gɛ̃manↄ wɛ̃́lɛ bĩ́ideui? Dé mɛ́ a dↄaamɛɛ e Ɛdↄũↄ bùsuui?

¹² Lua, mɛ́ i kɛ n gbɛ̃́ pↄ́ n wá vũaa nili bↄ ń wá zĩgↄ̃ↄ lↄo bàasio.

¹³ Ɔdawá wá ibɛɛↄ yã́ musu, asa gbɛ̃nazĩna gbɛ̃suabaaá pãɛ.

¹⁴ Wá zĩble ń Lua gbãao, ↄ̃mɛ a ↄ̃zↄ̃ wá ibɛɛↄwa.

« Roimhe

Air adhart »

Lean sinn:

Ceanglaichean taic

Sanasan