Soũ 6 - Bòó Bibeli Luayãtaala

Wiilɛa Luawa

¹ Davidi lɛ. Wì sí ń kúulɛaoɛ.

² Dii, ńsu ma lele ń kpɛ̃nɛoo, ńsu ma toto ń pↄkũmaoo.

³ Wɛ̃nadↄ̃mɛɛ Dii, ma gↄ̃ déedeennↄɛ, ma gbã́gbã Dii, asa ma wá lɛ́ wíɛ.

⁴ Ma pↄ yà dúuduuɛ, Dii, ńyↄ̃ dↄmalɛ bↄɛ ni?

⁵ Ɛa ǹ ma misi, Dii, ma suaba n gbɛ̃kɛ yã́i.

⁶ Asa gɛ lí e lɛmàma lↄo, wìli n táasilɛ miauo.

⁷ Ma wɛ̃nakɛ̀ ma kpasa, ma mìbↄↄ ì gá ń wɛ́'io, ma wúlɛkĩi ìↄ niɛɛ e gu gɛ dↄò.

⁸ Ma wɛ́ ìↄ bↄbↄ ń pↄsiao, ìↄ wo, kɛ́ ma ibɛɛↄ dasi yã́i.

⁹ À go ma kĩ́i vãikɛnaↄ, asa Dii ma ↄↄlↄ mà.

¹⁰ Dii ma wiilɛa mà, Dii ma wabikɛa sì.

¹¹ Wí a ma ibɛɛↄ kũ píi, aa gↄ̃ bíli guu, aa fua kã́ndo, aai kpɛkpa.

Lean sinn:

Ceanglaichean taic

Sanasan