Soũ 56 - Bòó Bibeli Luayãtaala

Zĩakpaa Luawa
1 Lɛ pↄ́ Davidi dà gↄↄ pↄ́ Filitɛ̃ↄ aà kũ̀ Gata.

¹ Lɛ pↄ́ Davidi dà gↄↄ pↄ́ Filitɛ̃ↄ aà kũ̀ Gata.

² Ma wɛ̃nagwa Lua, wàlɛ pɛa, wìↄ zĩkamanↄ wàↄ ĩadaa gↄↄpiiɛ.

³ Ma kpàkpanapiↄ ìↄ pɛa gↄↄpiiɛ, an wala yã́i aalɛ zĩkaimanↄ.

⁴ Tó vĩa lɛ́ ma kṹ, má n náai vĩ.

⁵ Má Lua táasilɛ yã́ pↄ́ a ò yã́i, má Lua náai vĩ, má vĩakɛo. Bↄ́ gbɛ̃nazĩna a fↄ̃ kɛmɛɛi?

⁶ Aaìↄ ma yã́ kpaanlabo gↄↄpiiɛ, aaì vãi lɛkpaaĩmazi.

⁷ Aaì sòle da, aaì ulɛmɛɛ, aaì ma kpákpa, aaìↄ ye ma dɛ.

⁸ Lua, ńsu to an gbɛ̃e bↄo, gbɛ̃́piↄ nɛ ń pↄkũmao.

⁹ Ma bàalɛ̀ liaaliaaaↄ yãda, ma wɛ́'ika n tùuna guu. A ku n taala guuo lé?

¹⁰ Tó ma lɛzù Luazi, ma ibɛɛↄ kpɛkpa, míↄ dↄ̃ kɛ́ à yãsìmanↄ.

¹¹ Má Lua táasilɛ yã́ pↄ́ a ò yã́i, ao, má Dii táasilɛ yã́pi oa yã́i.

¹² Má Lua náai vĩ, má vĩakɛo. Bↄ́ gbɛ̃nazĩna a fↄ̃ kɛmɛɛi?

¹³ Lua, má lɛ́ pↄ́ má kɛ̀maↄ fĩabo, má sáaukpa sa'oma.

¹⁴ Asa n ma si gawa, n ma gbá vĩ̀ lí miↄn pãsĩa, kɛ́ màↄ bɛnnↄ gupua pↄ́ ì wɛ̃ni kpámáu.

Lean sinn:

Ceanglaichean taic

Sanasan