Soũ 53 - Bòó Bibeli Luayãtaala

Mìsaide yã'oa
( Soũ 14 )

¹ Davidi lɛ.

² Mìsaideↄ ì o ń sↄ̃ guu Lua kuo, aa ↄ̃̀ↄkpà, an yãkɛa vãi, yãmaakɛna kú ń guuo.

³ Za musu Lua ì wɛ́tɛ gbɛ̃nazĩnaↄzi, ì gwa tó gbɛ̃e ↄ̃nↄ kà a kĩ́i wɛɛlɛa.

⁴ Aa sã̀sã píi aa gↄ̃̀ dↄ̀ↄsai míↄmiↄ, yãmaakɛna kú ń guuo, baa do.

⁵ Vãikɛnaↄ wɛ́ lí gu'eo lé? Aaì ma gbɛ̃́ↄ mↄ́mↄ lán úwa, aali lɛzu Luazio.

⁶ Vĩa ń kṹ maamaa, vĩa pↄ́ↄ ku we sↄ̃o. Lua tò gbɛ̃́ pↄ́ lɛ̀lɛwáↄ gↄ̃̀ kálɛa gɛↄ ũ, a widàmá kɛ́ Lua gìńzi yã́i.

⁷ Lua, bↄ Siↄna mↄ ǹ Isailiↄ suaba! Tó Lua sù ń a gbɛ̃́ↄ ń pá ziu, Yakↄbu buiↄ pↄnakɛ, Isailiↄ yáalↄ.

Lean sinn:

Ceanglaichean taic

Sanasan