Soũ 5 - Bòó Bibeli Luayãtaala

Wabi kↄↄ kɛa

¹ Davidi lɛ. Wì sí ń kulɛpɛaoɛ.

² Swã́kpa ma yã́i Dii, laaidↄ ma yãwaaipaawa.

³ Ma Kía, málɛ wiilɛma, ma Lua, málɛ wabikɛma.

⁴ Dii, ni ma yãma gufɛ̃nɛ, mi a yã́ↄ dↄdↄnɛ kↄↄ, ma wɛ́ iↄ dↄnzi.

⁵ Luan n ũ, ń ye vãizio, nili gbɛ̃vãi dilɛo.

⁶ Zĩakãfĩna lí e zɛ̀ n aɛo, ń za vãikɛnaↄgu píiɛ.

⁷ Dii, ni ɛɛdeↄ midɛ, ń ye gbɛ̃dɛnaↄ ń gbɛ̃blenaↄ gĩyãio.

⁸ Mapi má gɛ̃ n ua n gbɛ̃kɛ zↄ̃ↄ yã́i, má kúlɛ n kpɛɛlɛ mà misiilɛnɛ.

⁹ Dii, dↄaamɛɛ n náai yã́i, zɛpoomɛɛ ma dã̀dãnaↄ yã́i.

¹⁰ Asa an yãe náai vĩo, aaì lɛnakasa gbɛ̃́ↄnɛ. An nↄ̀sɛ dɛ lán kaadↄɛmbɛwaɛ, gbɛ̃́ ↄ̃̀ↄkpaa yã́ kↄ̃̀ ń sↄ̃u.

¹¹ To yã́ zↄ̃lɛmá Lua, to aa ↄzu ńzĩa wɛ́u. Ǹ ń yá n aɛ an tàae dasiↄ yã́i, asa aa gì n yãmaiɛ.

¹² To gbɛ̃́ pↄ́ nà n kpɛↄ yáalↄ, aaiↄ wiilɛ ń pↄnao gↄↄpii. Ɔku gbɛ̃́ pↄ́ yenziↄla, aai vĩ aaↄ kɛ̃aa n yã́ musu.

¹³ Dii, ni báaada gbɛ̃maaↄgu, n yeańzi ì kàedańzi.

Lean sinn:

Ceanglaichean taic

Sanasan