Soũ 49 - Bòó Bibeli Luayãtaala

Àizɛɛ náaikɛaá mìsaiyãɛ

¹ Kole buiↄ lɛ.

² Bui píi, à yã́ɛ bee ma, dṹnia gbɛ̃́pii, à swã́kpa,

³ kíaↄ ń táaaↄ, ↄdeↄ ń taasideↄ píi.

⁴ Ɔ̃nↄyã kú ma lɛ́u, dↄ̃a ku ma sↄ̃u.

⁵ Má swãdↄ yáasi yã́i, mí polo mↄↄnlɛa guu.

⁶ Má vĩakɛ yãpãsĩgↄↄo, baa tó ma wɛ̀lɛↄ liaamazi.

⁷ Aa ń àizɛɛ náai vĩ, aaì ń ↄda ĩ́anadã.

⁸ Gbɛ̃e a fↄ̃ gí ń a dee wɛ̃nioo, a e pↄe kpa Luawa à aà wɛ̃ni boòo.

⁹ Asa gbɛ̃́ wɛ̃ni boa zĩ'ũ, àizɛɛ a fↄ̃ bo bauo.

¹⁰ A fↄ̃ to aàↄ ku gↄↄpiio, a fↄ̃ giɛ̀ aà wɛsi bɛdalɛo.

¹¹ Asa wa dↄ̃ baa ↄ̃nↄnaↄ ì ga, mìsaideↄ ń sↄũↄ ì midɛ màa píi, aaì ń àizɛɛ tó gbɛ̃pãleↄnɛ.

¹² Baa kɛ́ wà ńzĩa tↄ́ kpà bùsuↄnɛ yãa, an mia aↄ dɛ ń bɛ ũɛ gↄↄpii, an kúkĩi ũ e ń buiwa.

¹³ Gbɛ̃nazĩna ń a bɛɛɛkɛo ìliↄ ku gↄↄpiio, a ta lán nↄ̀bↄↄwaɛ.

¹⁴ Mìsaideↄ láaan we, màaɛ lↄ ń gbɛ̃́ pↄ́ tɛ́ ń iaiↄ.

¹⁵ Aa si bɛdau lán sãↄwa, ga mɛ́ aↄ dɛ ń dã̀dãna ũ, mɛ́ gbɛ̃maaↄ kiblemá zia. An mɛↄ yaikɛ miau, aaↄ kpɛ́ vĩ lↄo.

¹⁶ Ãma Lua a ma wɛ̃ni si bɛdawa, i gbãakpamazi.

¹⁷ Tó gbɛ̃́ lɛ́ gↄ̃ ↄde ũ, mɛ́ aà bɛ tↄ́ lɛ́ nakṹ, ńsu to à kɛnɛ yãe ũo,

¹⁸ asa a a kee e sɛ taò a gagↄↄo, aà àizɛɛↄ e pɛ́lɛaàzio.

¹⁹ Baa tó à azĩa dↄ̃̀ ɛ̀fãaide ũ a wɛ̃nigↄↄ, mɛ́ wà aà sáaukpà aà namablea yã́i,

²⁰ a ta a deziↄ kĩ́i, a wɛsi gupualɛ bau lↄo.

²¹ Gbɛ̃nazĩna ń a bɛɛɛkɛo, tó aà wɛ́ i kɛ̃o, a ta lán nↄ̀bↄↄwaɛ.

Lean sinn:

Ceanglaichean taic

Sanasan