Soũ 46 - Bòó Bibeli Luayãtaala

Lua kúwanↄ

¹ Kole buiↄ lɛ.

² Lua mɛ́ wá ulɛkĩi ń wá gbãao ũ, ìↄ dↄwálɛ gↄↄpii wá yooyeau.

³ A yã́i tò sↄ̃ lí kɛ̃́wáguo, baa tó dṹnia yà, mɛ́ gbɛ̀sĩsĩↄ kwɛ̀ ísiau,

⁴ baa tó ípi sùka a fùlabↄ̀, mɛ́ gbɛ̀sĩsĩↄ dèe ń kↄ̃fĩo.

⁵ Swa ku a í ì mↄ́ ń pↄnao Lua wɛ̃́lɛu, Musude kúkĩi pↄ́ a kua adoapi.

⁶ Lua ku wɛ̃́lɛpiu, a gↄ̃ bɛzia ũo, Lua a dↄaàlɛ gudↄlɛia.

⁷ Bui píi lɛ́ wiilɛ, kpalaↄ lɛ́ bãdɛ. Lua pũ̀na ↄ̃ dṹnia yↄ̀.

⁸ Dii Zĩgↄ̃de kúwanↄ, Yakↄbu buiↄ Lua mɛ́ wá ulɛkĩi ũ.

⁹ À mↄ Dii yãkɛaↄ gwa, lá à yãyìa dṹniawa.

¹⁰ Ɔ̃mɛ ì zĩ midɛ e dṹnia lɛ́u, ì sáↄ ɛ́'ɛ ì sↄ̃naↄ suumpa, ì tɛsↄ̃ sɛ̀ngbaoↄwa.

¹¹ À zɛ tɛɛɛ, íↄ dↄ̃ mámɛmaa Lua. Bui píi a ma kã́fĩ, wa ma tↄbↄ dṹnia guu píi.

¹² Dii Zĩgↄ̃de kúwanↄ, Yakↄbu buiↄ Lua mɛ́ wá ulɛkĩi ũ.

Lean sinn:

Ceanglaichean taic

Sanasan