Soũ 4 - Bòó Bibeli Luayãtaala

Wabi oosi kɛa

¹ Davidi lɛ. Wì sí ń mↄↄnlɛaoɛ.

² Tó ma n sisi, wea Lua ma zɛnnↄde. Tó má yeelɛa, ni ma gba dɛ̀ɛpookĩi. Wɛ̃nadↄ̃mɛɛ, ní ma wabikɛa ma.

³ Gbɛ̃́ↄ, á zɛ widaa ma Lua gawidewaɛ bↄɛ ni? Iↄ ye pↄpãↄzi, iↄ tɛ tã́aↄzi.

⁴ Àↄ dↄ̃ kɛ́ Dii a gbɛ̃́ↄ dìlɛ adoa, tó ma aà sìsi, a ma yãma.

⁵ À kpakpanaga, ásu duunakɛo, à làasookɛ á wúlɛkĩi, í nílɛ.

⁶ À sa pↄ́ dɛ à o o, í Dii náaikɛ.

⁷ Dasi ì mɛ: Dé mɛ́ a ɛ̀fãaikɛwɛ̃ɛi? Wá wɛ́ gwa Dii, báaadawágu.

⁸ Baa tó pↄ́wɛna ń vɛ̃ɛo dińzi, pↄna pↄ́ ń dàmɛɛ ma sↄ̃u dɛ ń pↄ́a.

⁹ Mi wúlɛ i'o ń a nao kau, asa Dii, ḿmɛ ni to màↄ ku dↄdↄa.