Soũ 29 - Bòó Bibeli Luayãtaala

Dii yã'oa zàa'ĩana guu
Davidi lɛ.

¹ Malaikaↄ, à Dii tↄbↄ, à gawi ń gbãao dↄ̃ Diiɛ.

² À Dii tↄbↄ, à kúlɛ Diiɛ ń lousisi'ulaↄ daa.

³ Dii lↄↄ kú lousisia kpɛ, Dii gawide ì to lou pũna, Dii ku lousisia musu.

⁴ Dii lↄↄ gbãa dↄ, Dii lↄↄ gawi vĩ.

⁵ Dii lↄↄ ì sɛdɛ líↄ paa, Dii ì Libã bùsu sɛdɛ líↄ paa.

⁶ Ì to Libã gbɛ̀sĩsĩↄ vĩvĩ lán zunɛwa, ì to Ɛɛmↄ gbɛ vĩvĩ lán gáaenawa.

⁷ Dii lↄↄ ì bↄ ń loupilɛaↄ.

⁸ Dii lↄↄ ì gbáa dee, Dii ì Kadɛsi guwaiwai dee.

⁹ Dii lↄↄ ì líↄ zĩa, ì líkpɛ puakũ, gbɛ̃́ pↄ́ kú aà uaↄ i oɛ̀, Gawideɛ.

¹⁰ Dii ku í pↄ́ daa dṹniaa musu, Dii ìↄ zↄ̃lɛa Kía ũ gↄↄpii.

¹¹ Dii ì a gbɛ̃́ↄ gba gbãa, Dii ì báaadańgu aaↄ aafia.

Lean sinn:

Ceanglaichean taic

Sanasan