Soũ 26 - Bòó Bibeli Luayãtaala

Gbɛ̃maa wabikɛa Diiwa
Davidi lɛ.

¹ Yã́ na kpaa Dii, asa ma yãkɛ̀ a zɛ́wa, ma n náaikɛ̀ seasai.

² Ma lɛ ǹ ma gwa Dii, ní ma nↄ̀sɛ ń ma làasooↄ gwa.

³ N gbɛ̃kɛ ìↄ dↄaamɛɛ, mi zĩkɛ n sĩanawa.

⁴ Mili zↄ̃lɛ ń ɛɛdeↄo, mili bɛbɛ ń mↄafilideↄo.

⁵ Má za duunkɛnaↄ kãaaau, mili zↄ̃lɛ ń gbɛ̃vãiↄo.

⁶ Ma a ↄ pìpi tàaesai seela ũ, málɛ lia n gbagbakĩizi, Dii,

⁷ kɛ́ mà e n sáaukpa lɛsia guu, mí n yãbↄnsaɛↄ kpàwakɛ.

⁸ Dii, má ye n kpɛ́ pↄ́ niↄ kuuzi, gu pↄ́ n gawi ì pilau.

⁹ Ńsu ǹ ma naaa ń duunkɛnaↄo, ńsu ǹ ma baa daaa ń gbɛ̃dɛnaↄo.

¹⁰ Vãi làasoo mɛ́ ìↄ dↄaanɛ́, an ↄ ìↄ pai ń gbagusaɛↄ.

¹¹ Mapi sↄ̃ mi yãkɛ a zɛ́wa, wɛ̃nadↄ̃mɛɛ ní ma suaba.

¹² Ma zɛkĩi è gumaau, má Dii sáaukpa balu guu.

Lean sinn:

Ceanglaichean taic

Sanasan