Soũ 24 - Bòó Bibeli Luayãtaala

Dii gɛ̃a a kpɛ́u
Davidi lɛ.

¹ Tↄↄlɛ ń pↄ́ pↄ́ kuwàↄá Dii pↄ́ɛ, dṹnia ń gbɛ̃́ pↄ́ kú a guuↄ píi.

² À tↄↄlɛ zĩ́napɛ̀lɛ ísiau, a kàlɛ ń swaↄ.

³ Dé mɛ́ zɛ́ vĩ à dɛdɛ Dii sĩ̀sĩwai? Dé mɛ́ a fↄ̃ gɛ̃ aà uai?

⁴ Gbɛ̃́ pↄ́ tàae vĩo mɛ́ aà nↄ̀sɛ pua, mɛ́ ìli zɛ ń tã́aↄo, mɛ́ ìli lɛgbɛ̃ ń mↄafilioo.

⁵ Dii a báaada adegu, Lua aà Suabana a to yã́ bↄaànↄ na.

⁶ Màa a dɛ ń aà kĩ́i wɛ̀ɛlɛnaↄ, Yakↄbu buiↄ Lua aɛyanapiↄ.

⁷ À bĩ́ibↄlɛↄ wɛ̃wɛ̃, à gbà ziↄ wɛ̃wɛ̃, í tó Kía gawide gɛ̃.

⁸ Dé mɛ́ Kía gawidepi ũi? Dii nɛgↄ̃n gbãaɛ, Dii zĩ̀kan gbãaɛ.

⁹ À bĩ́ibↄlɛↄ wɛ̃wɛ̃, à gbà ziↄ wɛ̃wɛ̃, í tó Kía gawide gɛ̃.

¹⁰ Dé mɛ́ Kía gawidepi ũi? Dii Zĩgↄ̃de mɛ́ Kía gawidepi ũ.

Lean sinn:

Ceanglaichean taic

Sanasan