Soũ 21 - Bòó Bibeli Luayãtaala

Zĩblea sáaukpaa

¹ Davidi lɛ.

² Dii, kí lɛ́ pↄnakɛ ń n gbãao, aà pↄ na maamaa kɛ́ ń tò à zĩblè.

³ N pↄ́ pↄ́ aà pↄ gbà kpàwà, ni gí aà wabikɛa síiaànↄo.

⁴ N danlɛ kɛ̀ɛ̀ ń ɛ̀fãai zↄ̃ↄo, n vua fùa kpàɛ̀.

⁵ À wɛ̃ni gbɛ̀ama, ↄ̃ ń kpàwà, ń tò a ku e gↄↄpii.

⁶ Aà gawi zↄ̃ↄ kɛ́ ń tò à zĩblè, n gawi ń zↄ̃ↄkɛo kpàwà.

⁷ Niↄ báaadaaàgu gↄↄpii, n kuaaànↄ tò aà pↄ kɛ̀na.

⁸ Asa kí Dii náai vĩ, kua Musude gbɛ̃kɛu a kpaguao.

⁹ Ńyↄ̃ ↄdiɛ n ibɛɛↄwa, ńyↄ̃ n wɛ̀lɛↄ kṹ ń n ↄplaao.

¹⁰ Ńyↄ̃ ń kɛ mua yàa ũ n mↄgↄↄ, Dii a ń míↄnzↄ̃ a pↄfɛ̃gↄↄ, i to tɛ́kũmá.

¹¹ Ńyↄ̃ ń nɛ́ↄ midɛ dṹnia guu, ní ń buiↄ kɛ̃ gbɛ̃nazĩnaↄwa.

¹² Baa tó aa lɛkpàaĩnzi, an pↄeã a fↄ̃ zĩkɛo.

¹³ Ńyↄ̃ ka dↄdↄ ń wɛ́wa, ńyↄ̃ to aa kpɛkpa.

¹⁴ N gbãa guu, Dii, ǹ nzĩa kã́fĩ, wí lɛsi wà n gↄ̃sakɛ táasilɛ.

Lean sinn:

Ceanglaichean taic

Sanasan