Soũ 149 - Bòó Bibeli Luayãtaala

Dii yãmanaↄ yã́kpalɛkɛa ń dṹniao

¹ Àleluya! À lɛ̀ dafu sí Diiɛ aà yãmanaↄ! À aà táasilɛ balu guu!

² Isailiↄ, à vĩ àↄ kɛ̃aa á Kɛna yã́ musu. Siↄnadeↄ, à pↄnakɛ ń á kíao.

³ À ↄ̃wã à aà tↄbↄ, à aà táasilɛ ń mↄↄnao ń gã̀ao.

⁴ Asa Dii gbɛ̃́ↄ yã́ ì kaaàguɛ, ì zĩabusanaↄ kpɛla à ń suaba.

⁵ Dii yãmanaↄ kúkuakɛ ń gawipiu, an gula aↄ dↄ ń lii musu.

⁶ Lua táasilɛa aↄ dↄ ń lɛ́u, fɛ̃nda lɛ́ pla aↄ naa ń ↄzĩ,

⁷ aa tↄsiò buiↄwa, aai bùsu píi gbɛ̃́ↄ wɛtãò,

⁸ aai ń kíaↄ yeye ń mↄdaonaↄ, aai galakpa ń kíabuiↄnɛ,

⁹ aai sɛ́ńnↄ lá Lua yãdàńlawa. Dii yãmanaↄ tↄbↄ a guu. Àleluya!

Lean sinn:

Ceanglaichean taic

Sanasan