Soũ 141 - Bòó Bibeli Luayãtaala

Suabaa wabikɛa
Davidi lɛ.

¹ Dii, málɛ wiilɛnzi, kɛ kpakpa, tó ma lɛzùnzi, swã́kpa ma yã́i.

² Ma wabikɛa a kama lán tulaleti súɛlɛwa, ma ↄ dↄa musu iↄ dɛnɛ sa oosi oa ũ.

³ Dii, ma lɛ́na dↄ̃́amɛɛ. To mà a lɛ́ fↄ̃́.

⁴ Ńsu to ma nↄ̀sɛ ta yãvãiwa mà gↄ̃ dàade ũ ń vãikɛnaↄ, mà ↄdaaańnↄ ń blɛnablea guuo.

⁵ Tó gbɛ̃maa ma gbɛ̃, gbɛ̃kɛkɛaɛ! Tó à ma swãgàga, má gíio, à nísikà ma miwa. Miↄ wabikɛ kɛ́ gbɛ̃vãiↄ yãkɛaↄ su zɛkɛo.

⁶ Tó wà ń gbɛ̃zↄ̃ↄↄ kwɛ̀ yãtɛ̃u, wa si sa kɛ́ ma yã́ mɛ́ na.

⁷ Lá wì yàa paa a fɛ́ɛnaↄ fãaa, màa an wá aↄ kálɛ ń mia'ɛlɛ.

⁸ Dii Lua, ḿmɛ ma wɛ́ pɛ́ma, ma nanziɛ, ńsu ma kpámáo.

⁹ Ma suaba ń mↄ pↄ́ aa kpàmɛɛo, to mà zã bai pↄ́ vãikɛnaↄ kpàmɛɛi.

¹⁰ To gbɛ̃vãipiↄ si ńzĩa bai guu, mapi sↄ̃ mí dↄi aafia.

Lean sinn:

Ceanglaichean taic

Sanasan