Soũ 14 - Bòó Bibeli Luayãtaala

Mìsaide yã'oa
( Soũ 53 )
Davidi lɛ.

¹ Mìsaideↄ ì o ń sↄ̃ guu Lua kuo. Aa ↄ̃̀ↄkpà, an yãkɛa vãi, yãmaakɛna kú ń guuo.

² Za musu Dii ì wɛ́tɛ gbɛ̃nazĩnaↄzi, ì gwa tó gbɛ̃e ↄ̃nↄ kà a kĩ́i wɛɛlɛa.

³ Aa sã̀sã píi, aa gↄ̃̀ dↄ̀ↄsai míↄmiↄ, yãmaakɛna kuo, baa do.

⁴ Vãikɛna wɛ́ lí gu'eo lé? Aaì ma gbɛ̃́ↄ mↄ́mↄ lán úwa, aali lɛzu Diizio.

⁵ Gwa, vĩa a ń kṹ we maamaa, asa Lua a zɛ ń gbɛ̃maaↄ.

⁶ Vãikɛna ì kpa taasideɛ a pↄeãu, kási sↄ̃ Dii mɛ́ taaside ulɛkĩi ũ.

⁷ Lua, bↄ Siↄna mↄ ǹ Isailiↄ bↄ! Tó Dii sù ń a gbɛ̃́ↄ ń pá ziu, Yakↄbu buiↄ pↄnakɛ, Isailiↄ yáalↄ.

Lean sinn:

Ceanglaichean taic

Sanasan