Soũ 136 - Bòó Bibeli Luayãtaala

Dii sáaukpaa

¹ À Dii sáaukpa, asa a maaɛ, aà gbɛ̃kɛ láaa vĩo.

² À luaↄ Lua sáaukpa, aà gbɛ̃kɛ láaa vĩo.

³ À diiↄ Dii sáaukpa, aà gbɛ̃kɛ láaa vĩo.

⁴ Ɔ̃mɛ ì dabudabu zↄ̃ↄↄ kɛ ado, aà gbɛ̃kɛ láaa vĩo.

⁵ Ɔ̃mɛ musu kɛ̀ ń a ↄ̃nↄo, aà gbɛ̃kɛ láaa vĩo.

⁶ Ɔ̃mɛ tↄↄlɛ pòo ía, aà gbɛ̃kɛ láaa vĩo.

⁷ Ɔ̃mɛ gupuakũna zↄ̃ↄↄ kɛ̀, aà gbɛ̃kɛ láaa vĩo.

⁸ À ĩatɛ̃ kɛ̀ à kible fãanɛ, aà gbɛ̃kɛ láaa vĩo.

⁹ Mↄvua ń saanaↄ ì kible gwã́, aà gbɛ̃kɛ láaa vĩo.

¹⁰ Ɔ̃mɛ Egipiↄ nɛgↄ̃ɛ sɛ̃́iaↄ dɛ̀dɛ, aà gbɛ̃kɛ láaa vĩo,

¹¹ À Isailiↄ bↄ̀lɛ ń guu, aà gbɛ̃kɛ láaa vĩo.

¹² À a gã̀sĩ pòo ń a iko gbãao, aà gbɛ̃kɛ láaa vĩo.

¹³ À Ísia Tɛ̃a zↄ̃̀ɛ pla, aà gbɛ̃kɛ láaa vĩo.

¹⁴ A tò Isailiↄ gɛ̃̀ ípi zãnguo, aà gbɛ̃kɛ láaa vĩo.

¹⁵ A tò ípi dà Falaↄ̃ↄ ń a zĩgↄ̃ↄla, aà gbɛ̃kɛ láaa vĩo.

¹⁶ Ɔ̃mɛ dↄ̀aa a gbɛ̃́ↄnɛ guwaiwaiu, aà gbɛ̃kɛ láaa vĩo.

¹⁷ Ɔ̃mɛ kía zↄ̃ↄↄ tↄ̀lↄzↄ̃̀, aà gbɛ̃kɛ láaa vĩo.

¹⁸ À kía gawideↄ dɛ̀dɛ, aà gbɛ̃kɛ láaa vĩo.

¹⁹ Amↄleↄ kí Siↄ̃, aà gbɛ̃kɛ láaa vĩo.

²⁰ ń Basana kí Oguo, aà gbɛ̃kɛ láaa vĩo.

²¹ À gbadà ń ń bùsuo, aà gbɛ̃kɛ láaa vĩo.

²² A kpà a zↄ̀blena Isailiↄwa, aà gbɛ̃kɛ láaa vĩo.

²³ Ibɛɛↄ ↄnaalɛawá i sãaàguo, aà gbɛ̃kɛ láaa vĩo.

²⁴ À wá bↄ́lɛ wá ibɛɛpiↄ guu, aà gbɛ̃kɛ láaa vĩo.

²⁵ Ɔ̃mɛ ì blɛ kpa pↄ́piiwa, aà gbɛ̃kɛ láaa vĩo.

²⁶ À Lua Musude sáaukpa, aà gbɛ̃kɛ láaa vĩo.