Soũ 125 - Bòó Bibeli Luayãtaala

Lua gbɛ̃́ↄ kua aafia

Gɛa Yelusalɛũ lɛ.

¹ Dii náaikɛnaↄ dɛ lán Siↄna gbɛ̀sĩsĩ pↄ́ deea vĩo aↄ ku gↄↄpiiwaɛ.

² Lá gbɛ̀sĩsĩↄ liaa Yelusalɛũzi, màa Dii liaa a gbɛ̃́ↄzi za gbã e gↄↄpii.

³ Gbɛ̃vãiↄ e wàↄ kible gbɛ̃maaↄ bùsuwa aaↄ gɛ́o, kɛ́ gbɛ̃maaↄ su ↄda vãikɛauo yã́i.

⁴ Dii, maakɛ gbɛ̃maaↄnɛ, gbɛ̃́ pↄ́ an nↄ̀sɛ puaↄ.

⁵ Gbɛ̃́ pↄ́ aa tɛ zɛ́ koleaiↄ sↄ̃, Dii a ń waa ń vãikɛnaↄɛ. Lua Isailiↄ gba aafia!