Soũ 122 - Bòó Bibeli Luayãtaala

Davidi wabikɛa Yelusalɛũɛ
Gɛa Yelusalɛũ lɛ.

¹ Kɛ́ wa òmɛɛ wà gɛ́ Dii ua, ma pↄ kɛ̀na.

² Wa ka Yelusalɛũ sa, wá zɛa a bĩ́ibↄlɛu.

³ Wà Yelusalɛũ kàlɛ, wa nànakↄ̃wa gíũgiũ.

⁴ Wekĩi Isaili buiↄ ì gɛ̃u, bui pↄ́ Dii sɛ̀piↄ. Aaì gɛ́ Dii sáaukpai, lá a dìlɛnɛ́wa.

⁵ We wà kía yã́gↄ̃gↄ̃baaↄ kpàlɛu Davidi buiↄ báaↄ ũ.

⁶ À wabikɛ Lua à Yelusalɛũ gba aafia à mɛ: Gbɛ̃́ pↄ́ yeiↄ aaↄ ku niɛniɛ,

⁷ aafia iↄ ku a bĩ́i guu, a gudↄ̃akĩiↄ iↄ ku yãkelesai.

⁸ Ma gbɛ̃́ↄ ń ma gbɛ̃naↄ yã́i má o, Lua Yelusalɛũ gba aafia.

⁹ Dii wá Lua kpɛ́ yã́i má maa wabikɛɛ̀.

Lean sinn:

Ceanglaichean taic

Sanasan