Soũ 115 - Bòó Bibeli Luayãtaala

Dii mɛ́ ì báaadańgu

¹ I kɛ wá tↄ́ mɛ́ a bↄo Dii, i kɛ wá tↄ́ mɛ́ a bↄo. Ǹ nzĩa tↄbↄ n gbɛ̃kɛ ń n náaio yã́i.

² Àkɛa buipãleↄ ì wá la aa mɛ wá Lua kú má niɛi?

³ Wá Lua ku musu, yã́ pↄ́ a yei ì kɛɛ.

⁴ Aa ń diiↄ pì ń ã́nusuo ń vuao, gbɛ̃nazĩna ↄgbɛɛ.

⁵ Aa lɛ́ vĩ, aali yã'oo, aa wɛ́ vĩ, aali gu'e sↄ̃o.

⁶ Aa swã́ vĩ, aali yãmao, aa ní vĩ, kási aali pↄ́ gĩmao.

⁷ Aa ↄ vĩ, aali kã́ pↄ́wao, aa gbá vĩ, kási aali táa'oo. Aali kolokɛkɛo.

⁸ An pinaↄ gↄ̃ńwaɛ ń gbɛ̃́ pↄ́ lɛ́ ń náaikɛↄ.

⁹ Isailiↄ, à Dii náaikɛ! Ɔ̃mɛ á sɛ̀ngbao ũ, ì dↄálɛ.

¹⁰ Aalona buiↄ, à Dii náaikɛ! Ɔ̃mɛ á sɛ̀ngbao ũ, ì dↄálɛ.

¹¹ Dii vĩakɛnaↄ, à Dii náaikɛ! Ɔ̃mɛ á sɛ̀ngbao ũ, ì dↄálɛ.

¹² Wá yã́ lí sã́ Diiguo, a báaadawágu. A báaada Isaili buiↄgu, a báaada Aalona buiↄgu.

¹³ Dii a báaada a vĩakɛnaↄgu, nɛ́fɛ̃nɛn gbɛ̃zↄ̃ↄ.

¹⁴ Dii kã́fĩakɛɛ́, ápiↄ ń á nɛ́ↄ.

¹⁵ Dii mɛ́ a báaadaágu, musu ń tↄↄlɛo Kɛnapi.

¹⁶ Musuá Dii bɛɛ, ↄ̃ à tↄↄlɛ nà gbɛ̃nazĩnaↄnɛ ń ↄzĩ.

¹⁷ I kɛ gɛↄ mɛ́ lí Dii táasilɛo, gbɛ̃́ pↄ́ kú bɛdauↄ ìↄ ku kílikiliɛ.

¹⁸ Wápiↄ, wáↄ Dii sáaukpa za gbã e gↄↄpiiɛ. Àleluya!

Lean sinn:

Ceanglaichean taic

Sanasan