Soũ 111 - Bòó Bibeli Luayãtaala

Dii tↄbↄa

¹ Àleluya! Má Dii sáaukpa ń nↄ̀sɛmɛndoo ń gbɛ̃maaↄ sãnu balu guu.

² Dii yãkɛaↄ zↄ̃ↄ, gbɛ̃́ pↄ́ à kàńguↄ ì a wàaipa.

³ Aà yãkɛaↄ bɛɛɛ ń gawio vĩ, aà yãkɛa a zɛ́wa láaa vĩo.

⁴ Dii tò a yãbↄnsaɛkɛaↄ dↄ̀wágu, a sùuu ń sósobio vĩ.

⁵ Ì blɛ kpa a vĩakɛnaↄwa, aà bàakuańnↄ yã́ lí sã́aàguo.

⁶ À a gbãa ↄ̀lↄ a gbɛ̃́ↄnɛ yãkɛa guu, à buipãleↄ bùsuↄ kpàmá.

⁷ Yã́ pↄ́ a kɛ̀ↄ náai vĩ mɛ́ a zɛ́ vĩ, yã́ pↄ́ a dìlɛↄ sĩana vĩ píiɛ.

⁸ Yã́piↄ zĩ́naↄ pɛ́lɛa gↄↄpii, ì yãkɛ a zɛ́wa náai guu.

⁹ À suabana zĩ̀ à a gbɛ̃́ↄ bò, aà bàa kúńnↄ gↄↄpii. Aà tↄ́ kua adoa mɛ́ ì to vĩa ń kṹ.

¹⁰ Vĩakɛa Diiɛ mɛ́ ↄ̃nↄ zĩ́na ũ, gbɛ̃́ pↄ́ ì vĩakɛɛ̀ wɛzɛ̃ gbãa. Aà táasilɛa aↄ láaa vĩo.

Lean sinn:

Ceanglaichean taic

Sanasan