Soũ 100 - Bòó Bibeli Luayãtaala

Dii sáaukpaa
Sáaukpaa lɛ.

¹ Dṹnia gbɛ̃́pii, à kúkuakɛ Diiɛ.

² À zↄble Diiɛ ń pↄnao, à mↄ aà kĩ́i ń gulakɛao.

³ Àↄ dↄ̃ kɛ́ Dii mɛ́ Lua ũ, ↄ̃mɛ wá kɛ́, wá dɛ aà pↄ́ ũɛ. Wá dɛ aà gbɛ̃́ↄ ũ, aà kpàsa sãↄ ũ.

⁴ À gɛ̃ aà ua lɛ́u ń sáaukpaao, à gɛ̃ aà ua ń aà táasilɛao, à aà sáau kpa à aà tↄbↄ.

⁵ Asa Dii maa, aà gbɛ̃kɛ láaa vĩo, ìↄ náai vĩ gↄↄpiiɛ.

Lean sinn:

Ceanglaichean taic

Sanasan