Bìoball air-loidhne

Salomↄↄ lɛ 4 - Bòó Bibeli Luayãtaala

Kía

¹ Ń kɛfɛũ ma gbɛ̃na, ń kɛfɛũ fá! N wɛ́ dɛ lán felen wɛ́wa n sálana fòou, n mikã dɛ lán blè wiilaↄ pilaa Galada sĩ̀sĩwawa.

² N swaa pua lán sã pↄ́ wà ń kãkɛ̃̀ɛlɛ aa bↄ̀ zu'okĩi aalɛ suↄwa. Aa kↄ̃sɛ̀ plapla píi, a kee i pↄsɛ bↄo.

³ N lɛ́baa dɛ lán wↄ̃ↄtɛ̃n nian dowa, n lɛ́ kɛfɛũ. N gɛɛ dɛ lán gbɛafu pɛɛwa n sálana fòou.

⁴ N nↄɛ dɛ lán Davidi kalangawa. Sɛngbao mɛ̀n ↄ̀aa sↄo looawà, nɛgↄ̃naↄ gↄ̃kɛbↄɛ píi.

⁵ N yↄ̃́ dɛ lán tue nɛ́ sìa pↄ́ aalɛ pↄble sũmaavuↄ guuwa.

⁶ E gu àↄ gɛ́ dↄi, e guwɛ àↄ gɛ́ kɛ̃́i, má gɛ́ gbɛ̀sĩsĩ lí'ↄ gĩnanade musu, má dɛdɛ sĩ̀sĩ tulaletidewa.

⁷ Ma gbɛ̃na, n gupii kɛfɛũ, n gue sãa vĩo.

⁸ Ma nↄkpama, to wà pila Libã gusĩsĩdewa za Amana misonawa ń Senii gbɛ̀ misonao ń Ɛɛmↄ gbɛ̀ misonao, za nↄ̀ↄmusuↄ tòopiu, za gbɛaantɛ̃naↄ gusĩsĩdepiu.

⁹ N yã́ ma sↄ̃ blè ma nↄkpama, ma báasɛ̃de, wɛ́ pↄ́ n ma gwaò ma sↄ̃ blè ń n ↄ̃nɛɛ pↄ́ mɛ̀ndoeo.

¹⁰ Ma nↄkpama, ma báasɛ̃de, n yeamazi kɛ̀ zài, n yeamazi namɛɛ dɛ vɛ̃ɛa, n nísi gĩ namɛɛ dɛ pↄ́ gĩnanaↄla píi.

¹¹ N lɛ́baa mↄ̀sɛ dɛmɛɛ lán zↄsapunawa. Ma nↄkpama, zↄ́ ń vĩo mɛ́ kú n lɛ́na zíɛ, n pↄkasaↄ gĩ dɛ lán Libã bùsu líkpɛ gĩwa.

¹² Ń dɛ lán kaa pↄ́ wà a zɛtà wà kilidàuwa. Ma báasɛ̃de, ma nↄkpama, ń dɛ lán bia pↄ́ wà kaa dàiwa, lán nibↄna pↄ́ wà zɛtàɛ̀wa.

¹³ N lu pↄ́ↄá gbɛafuɛ ń libɛ maaↄ ń ãyãlio ń naadilio

¹⁴ ń sũmaao ń fee bui gĩnanao ń sinamↄ lío ń lí'ↄ gĩnanaↄ píi. Zↄ̃go lí'ↄ ń aloe lí'ↄo ku we ń pↄ́ pↄ́ a gĩ na dɛńlaↄ píi.

¹⁵ Kaa lↄ̀ↄn n ũ, nibↄna í wɛ̃nide pↄ́ lɛ́ bↄ za Libã gusĩsĩdeu ũ.

Nↄɛ

¹⁶ Gugbãntoo ĩ́ana, fɛlɛ! Gɛↄmidↄkĩi ĩ́ana, káka su ma kaawa, a pↄ́ↄ gĩ na i ligua, ma yenzide i gɛ̃u, i a libɛ nanaↄ ble.

« Roimhe

Air adhart »

Lean sinn:

Ceanglaichean taic

Sanasan