Ozee 11 - Bòó Bibeli Luayãtaala

Lua yea Isailiↄzi

¹ Kɛ́ Isailiↄ dɛ ɛ̀waasona ũ, ma aà gbɛ̀si Egipi.

² Ãma lá málɛ lɛzuńzi, màa aalɛ zã̀ kũmanↄ. Aaìↄ sa'o tã́aↄwa, aaìↄ tulaletikatɛa ń diipiↄnɛ.

³ Mámɛ ma tá dàda Ɛflaiũ buiↄnɛ, ma ń kpá ma kùɛ, ↄ̃ aai dↄ̃ kɛ́ mámɛ ma ń gbá aafiao.

⁴ Ma gbɛ̃kɛ galakpànɛ́, ma ń gálɛ ń yenzi bao, ma zuu bↄ̀lɛnɛ́, ma naalɛ ma blɛ kpàmá.

⁵ Lá aa gì nↄ̀sɛlilɛi, aa ɛa ta Egipio lé? Asiliↄ mɛ́ aaↄ kiblemá.

⁶ Fɛ̃nda a tɛkɛ an wɛ̃́lɛↄ guu, wa ń bↄlɛ gbã́aↄ wíwi. Wa ń lɛkpaaĩ gboo,

⁷ asa ma gbɛ̃́piↄ bↄ̀ ma kpɛ. Baa tó aalɛ lɛzumazi, ma Musude, má ń gba gbãao.

⁸ Ń beeo á Ɛflaiũ buiↄ, má fↄ̃ ↄkpaázio, á Isailiↄ, má fↄ̃ mà á kpámáo. Má fↄ̃ mà kɛɛ́ lá má kɛ̀ Adamaɛwao, má fↄ̃ mà á baa daaa ń Zeboiũoo. Ma nↄ̀sɛlìlɛ á yã́ musu, ma wɛ̃nadↄ̃aɛ́ fɛ̀lɛ.

⁹ Má ɛa Ɛflaiũ buiↄ ásookɛ lↄo, má pↄkũma pãsĩ bↄbↄmáo, asa Luan ma ũ, i kɛ gbɛ̃nazĩnan ma ũo. Lua pↄ́ a kua adoan ma ũ á guu, má mↄ́ á kaalɛio.

¹⁰ Má pala lán nↄ̀ↄmusuwa, aai tɛmazi. Tó ma pala, ma nɛ́piↄ bↄ bɛ'aɛ oi, aai mↄ ma kĩ́i ń lualuao.

¹¹ Aa bↄ Egipi ń lualuao lán bãↄwa. Aa bↄ Asili bùsuu lán felenaↄwa, mí ń kálɛ ń bɛ. Ma Dii mámɛ má ò.