Bìoball air-loidhne

Levii buiↄ 2 - Bòó Bibeli Luayãtaala

Pↄ́wɛn gba

¹ Tó gbɛ̃e lɛ́ Dii gba pↄ́wɛna, aali mↄ́ò tí ũ, i nísi ɛ́wà, i tulaletikau,

² i gɛ́ò sa'ona Aalona nɛ́ↄ kĩ́i. Sa'ona i dã ↄkũ do ń a tulaletipio píi, i a yãdↄa Diigu gbapi kpasa sa'okĩiwa pↄ́ pↄ́ wì kátɛu a gĩ ì kɛɛ̀ na ũ.

³ Pↄ́wɛn gba pↄ́ gↄ̃̀ líↄ dɛ Aalona ń a nɛ́ↄ pↄ́ ũ. Ìↄ ku adoa pↄ́ pↄ́ wa kà Diiɛ tɛ́u à tɛkũ̀ kĩni ũ.

⁴ Tó álɛ aà gba kàa, aliↄ dɛ a sɛsai pↄ́ wà a tí yã̀alɛ ń nísio ũ ge kàagbaala pↄ́ wà nísi ɛ̀wà.

⁵ Tó kàa asaaɛ, aliↄ dɛ kàa sɛsai pↄ́ wà a tí yã̀alɛ ń nísio ũ.

⁶ Àli ɛ́'ɛ, í nísikawà pↄ́wɛn gba ũ.

⁷ Tó gàsada'ianaɛ, àli kɛ ń pↄ́wɛntio ń nísio.

⁸ Àli mↄ́ Diiɛ ń pↄ́ pↄ́ á kɛ̀piↄ pↄ́wɛn gba ũ, í kpá sa'onawa. Sa'onapi i gɛ́ò sa'okĩi,

⁹ i aà yãdↄa Diigu gba bↄ à kpasa sa'okĩiwa pↄ́ pↄ́ wì kátɛu a gĩ ì kɛɛ̀ na ũ.

¹⁰ Pↄ́wɛn gba pↄ́ gↄ̃̀ líↄ dɛ Aalona ń a nɛ́ↄ pↄ́ ũ. Ìↄ ku adoa pↄ́ pↄ́ wa kàtɛu Diiɛ à tɛkũ̀ kĩni ũ.

¹¹ Pↄ́wɛn gba pↄ́ áli mↄ́ò Diiɛ suliↄ sɛ'ɛsɛ vĩo. Ásuli pↄ́sɛ'ɛsɛ ge zↄ́ kpasa pↄ́ pↄ́ wì ka Diiɛ tɛ́u ũo.

¹² Tó bua pↄ́ káauɛ sↄ̃, àli mↄ́ò Diiɛ, ãma ásuli a pↄ́ kátɛu à tɛ́kũ sa'okĩiwa pↄ́ pↄ́ a gĩ ìↄ na ũo.

¹³ Àli pↄ́wɛn gbada ń wisio. Ásuli da wisi pↄ́ dɛ á Lua bàakuaánↄ seela ũ saio. Àli wisika gba pↄ́ álɛ da píiu.

¹⁴ Tó álɛ mↄ́ Dii gbai pↄ́wɛn káau, àli mↄ́ɛ̀ ń mase dafu kpasaa pↄ́ wà a aampào.

¹⁵ Àli nísikawà ń tulaletio, iↄ dɛ pↄ́wɛn gba ũ,

¹⁶ sa'ona i aà yãdↄa Diigu pↄ́wɛn gba bↄ à kpasa ń a nísio ń a tulaletio píi pↄ́ pↄ́ wì ka Diiɛ tɛ́u ũ.

« Roimhe

Air adhart »

Lean sinn:

Ceanglaichean taic

Sanasan