Ezekiɛli 15 - Bòó Bibeli Luayãtaala

Yelusalɛũ lɛɛũa ń vɛ̃ɛ yàao

¹ Dii yã'òmɛɛ à mɛ̀:

² Gbɛ̃nazĩn nɛ́, vɛ̃ɛli líkɛ dɛ líↄla yã̀?

³ Wì pↄe kɛ ń a lío yã̀? Wì kálo kɛ ń a lío wà pↄ́ loowàe?

⁴ Wì kátɛu yàa ũɛ. Tó a vlã́ ń a mio tɛkũ̀ mɛ́ a guo tɛ́ lɛ̀, wa fↄ̃ zĩkɛòe?

⁵ Gↄↄ pↄ́ a lɛ́so, wà zĩe kɛ̀òɛ, belenkɛ gↄↄ pↄ́ à tɛ́ lɛ̀ à gↄ̃̀ sín bèebeea?

⁶ A yã́ mɛ́ tò ma Dii Lua ma mɛ̀, lá líↄ guu vɛ̃ɛli má sɛ̀ yàa ũ má kàtɛu, màa má kɛ Yelusalɛũdeↄnɛ.

⁷ Tó ma fɛlɛńnↄ, baa kɛ́ aa bↄ̀ tɛ́u, tɛ́ mɛ́ a ɛa kṹmá. Tó ma íbɛlɛsɛ̀ńnↄ, áↄ dↄ̃ kɛ́ mámɛmaa Dii.

⁸ Má tó an bùsu gↄ̃ bɛzia ũɛ, asa aa náaisaiyã kɛ̀mɛɛɛ. Ma Dii mámɛ má ò.

Lean sinn:

Ceanglaichean taic

Sanasan