1Tɛs 5 - Bòó Bibeli Luayãtaala

¹ Gbɛ̃́ↄ, a gↄↄ ge a zaa oaɛ́ zɛ́ vĩo,

² asa á dↄ̃ sã́asã lá kpã́i ì mↄ gwã́, màa aↄ dɛ Dii mↄgↄↄ.

³ Tó gbɛ̃́ↄ lɛ́ o wa aafia, wa ku dↄdↄa, kaalɛ a mↄ́má kã́ndo lá nɛ'iwãwã ì mↄ nↄsindeewawaɛ, aa bↄo.

⁴ Ápiↄ sↄ̃ gbɛ̃́ↄ, á kú gusiau kɛ́ gↄↄpi á le lán kpã́iwao,

⁵ asa gupua gbɛ̃́ↄn á ũ, fãanɛ gbɛ̃́ↄn á ũ ápii. Gwãasĩna ge gusia gbɛ̃́ↄn wá ũo.

⁶ A yã́ mɛ́ tò wásuli i'o lán dãↄwao. Wà itɛ̃kɛ, wíↄ kú ń laaio.

⁷ I'onaↄ ì i'o gwã́, mɛ́ wɛ̃dɛnaↄ ì wɛ̃dɛ kɛ gwã́,

⁸ wápiↄ sↄ̃, lá fãanɛ gbɛ̃́ↄn wá ũ, wàↄ kú ń laaio, wí luanaaikɛa ń yeakↄ̃io da mↄ̀ ula ũ, wí wɛdↄa zia'ea yã́i kpá mↄ̀ fùa ũ.

⁹ Asa Lua i wá dilɛ à pↄkũmabↄbↄwáo. À wá dílɛ à wá suaba ń wá Dii Yesu Kilisi gbãaoɛ.

¹⁰ Ɔ̃mɛ gà wá yã́i kɛ́ wàↄ kuanↄ, wá bɛ̃́ɛ ge wa i'òn nò.

¹¹ A yã́ mɛ́ tò à lɛdakↄ̃wa, í kↄ̃ gba gbãa, lá álɛ kɛwa.

Pↄlu yãdilɛa Tɛsalonideↄnɛ

¹² Gbɛ̃́ↄ, wa wabikɛ̀wá, à bɛɛɛ dↄ̃ gbɛ̃́ pↄ́ aaì zĩkɛ á guu, aa iko vĩwá an zĩkɛa Diiɛ guu, aalɛ á dazɛwaↄnɛ.

¹³ À ń kpɛla maamaa, íↄ yeńzi zĩ pↄ́ aalɛ kɛ yã́i. Àↄ na ń kↄ̃o.

¹⁴ Gbɛ̃́ↄ, wa lɛdàwá à faasaideↄ dazɛwa, à gbɛ̃́ pↄ́ an kúsu kwɛ́ↄ gba sↄ̃, à laaidↄ gbãasaideↄwa, í mɛnakɛ ń gbɛ̃́piio.

¹⁵ À laaika á gbɛ̃e suli vãi fĩabo ń vãioo. À zɛwɛɛlɛ àↄ maakɛkↄ̃ɛ ń gbɛ̃́piio gↄↄpii.

¹⁶ Àↄ ku pↄna guu gↄↄpii.

¹⁷ Àↄ wabikɛ Luawa láasai.

¹⁸ Àↄ Lua sáaukpa yã́ píi musu. Bee mɛ́ dɛɛ́ aà pↄeã ũ naa Kilisi Yesuwa.

¹⁹ Ásuli kpá Lua Nisĩnaɛo,

²⁰ ásuli saka ãnabikɛguo.

²¹ À yã́pii tàasika, íↄ a maa kũa,

²² í mikɛ̃ vãi bui píiwa.

²³ Lua aafiade to à ázĩa kpawa míↄmiↄ, i á nisĩna ń á wɛ̃nio ń á mɛo dↄ̃́aɛ́ aafia tàaesai e wá Dii Yesu Kilisi mↄ́zĩ.

²⁴ Lua pↄ́ á sisi à á sɛ́ náai vĩ, a yã́pi kɛɛ́.

²⁵ Gbɛ̃́ↄ, à wabikɛwɛ̃ɛ.

²⁶ À fↄkpa wá gbɛ̃́ↄwa píi ń Lua gbɛ̃́ↄ lɛ́pɛakↄ̃wao.

²⁷ Ma naɛ́ Diizi à láɛ bee kyokɛnɛ́ ḿpii.

²⁸ Wá Dii Yesu Kilisi gbɛ̃kɛkɛɛ́.

Lean sinn:

Ceanglaichean taic

Sanasan