1Lad 25 - Bòó Bibeli Luayãtaala

Lɛ̀sinaↄ

¹ Davidi ń Isaili kíaↄ mɛ́ Asafa nɛgↄ̃ɛↄ ń Emani nɛgↄ̃ɛↄ ń Yedutu nɛgↄ̃ɛↄ dìlɛ ń zɛ́i aa ãnabikɛkɛ ń mↄↄnaↄ ń domaↄ ń sɛ̃́sɛ̃naↄ. Zĩpikɛnaↄ tↄ́n kɛ:

² Asafa nɛgↄ̃ɛↄ tↄ́n kɛ: Zakuu, Yosɛfu, Nɛtania ń Asalɛlao. Asafa mɛ́ aↄ wɛ́tɛ a nɛ́piↄzi, kía sↄ̃ iↄ wɛ́tɛ ń ãnabikɛkɛai.

³ Yedutu nɛgↄ̃ɛↄ sooloɛ: Gedalia, Zeli, Yesaia, Simɛi, Asabia ń Matitiao. An mae Yedutu mɛ́ ìↄ wɛ́tɛńzi, ↄ̃ ìↄ ãnabikɛkɛ ń mↄↄnlɛao, ìↄ Dii sáau kpa àↄ aà táasilɛò.

⁴ Emani nɛgↄ̃ɛↄ tↄ́n kɛ: Bukia, Matania, Uziɛli, Sebuɛli, Yelemↄ, Anania, Anani, Ɛliata, Gidaleti, Lomantiɛzɛɛ, Maloti, Yↄsebekasa, Otii ń Maazioo.

⁵ Gbɛ̃́piↄá kí gu'ena Emani nɛgↄ̃ɛↄnɛ ḿpii. Lua lɛgbɛ̃̀ɛ̀ à mɛ̀ á aà gba gbãa, ↄ̃ à aà gbà nɛgↄ̃ɛↄ gɛ̃o mɛ̀ndosai ń nɛnↄɛↄ lↄ àaↄ̃.

⁶ Gbɛ̃́piↄ ìↄ lɛsi Dii ua ń sɛ̃́sɛ̃naↄ ń domaↄ ń mↄↄnaↄ ḿpiiɛ. An maeↄ Asafa ń Yedutuo ń Emanio mɛ́ aaìↄ wɛ́tɛńzi Lua ua zĩpi guu. Kí sↄ̃ ìↄ wɛ́tɛ ń maepiↄzi.

⁷ Ampiↄ ń ń gbɛ̃́ pↄ́ aa lɛsia Diiɛ dàda aa dↄ̃ↄ, ampii gbɛ̃ↄn ↄ̀aa do ń basiiↄ̃kwi plasaioɛ (288).

⁸ Wà likpà lá aali kↄ̃ gba zɛ́ zĩpi yã́ musuɛ, nɛ́fɛ̃nɛn gbɛ̃zↄ̃ↄ, yãdanɛdeↄ ń yãdadanaↄ píi.

⁹ Wà gbɛ̃́piↄ sɛ̀ baade ń a nɛgↄ̃ɛↄ ń a dãunaↄ gbɛ̃ↄn kuɛplaplaɛ: A sɛ̃́ia Asafa nɛ́ Yosɛfu, a plaade Gedalia,

¹⁰ a àaↄ̃de Zakuu,

¹¹ a síiↄ̃de Zeli,

¹² a sↄode Nɛtania,

¹³ a soolode Bukia,

¹⁴ a soplade Yesalela,

¹⁵ a swaaↄ̃de Yesaia,

¹⁶ a kɛ̃okwide Matania,

¹⁷ a kwide Simɛi,

¹⁸ a kuɛdode Azalɛli,

¹⁹ a kuɛplade Asabia,

²⁰ a kuɛ'aaↄ̃de Sebuɛli,

²¹ a gɛ̃o mɛ̀ndosaide Matitia,

²² a gɛ̃ode Yelimↄ,

²³ a gɛ̃o ń mɛ̀ndoode Anania,

²⁴ a gɛ̃o ń plaode Yↄsebekasa,

²⁵ a bao plasaide Anani,

²⁶ a bao mɛ̀ndosaide Maloti,

²⁷ a baode Ɛliata,

²⁸ a bao ń mɛ̀ndoode Otii,

²⁹ a bao ń plaode Gidaleti,

³⁰ a bao ń àaↄ̃ode Maazio,

³¹ a baasↄo mɛ̀ndosaide Lomantiɛzɛɛ.