1Lad 24 - Bòó Bibeli Luayãtaala

Sa'onaↄ zĩ

¹ Aalona bui gãliↄn kɛ: Aalona nɛgↄ̃ɛↄ tↄ́n kɛ: Nadabu, Abiu, Ɛleazaa ń Itamaao.

² Nadabu ń Abiuo gàga ń mae wáaɛ, aai nɛgↄ̃ɛ i sↄ̃o. Ɔ̃ Ɛleazaa ń Itamaao gↄ̃̀ sa'onaↄ ũ.

³ Davidi ń Ɛleazaa bui Zadokio ń Itamaa bui Aimɛlɛkio sa'onaↄ kpaalɛ̀ gã ń gão, aaↄ kↄ̃ gba zɛ́ zĩ yã́ musu.

⁴ Aa dↄaanaↄ è dasi Ɛleazaa buiↄ guu dɛ Itamaa buiↄ guula, ↄ̃ aa Ɛleazaa bui uabeleↄ sɛ̀ gbɛ̃ↄn gɛ̃o ń mɛ̀ndoo, Itamaa bui uabeleↄ sↄ̃ swaaↄ̃.

⁵ Aa ń kpaalɛ̀ ń gbɛlaaoɛ an wɛgwasai, asa Ɛleazaa buieↄ ń Itamaa buieↄ dɛ Lua kpɛ́ gbɛ̃zↄ̃ↄↄ ń sa'onkiaↄ ũ ḿpiiɛ.

⁶ Levii bui lakɛ̃na Semaia, Nɛtanɛli nɛ́ ń tↄ́ dàlau kía ń aà ìwaɛ beeↄ wáaɛ: Sa'onkia Zadoki, Abiataa nɛ́ Aimɛlɛki, sa'ona uabeleↄ ń Levii bui uabeleↄ. Tó wà gbɛ̃́ sɛ̀ Ɛleazaa bui guu do, ↄ̃ wì sɛ Itamaa bui guu do.

⁷ Yoialibu mɛ́ sɛ̃́ia, a plaade Yedaia,

⁸ a àaↄ̃de Aliũ, a síiↄ̃de Seoliũ,

⁹ a sↄode Malakia, a soolode Miamɛ,

¹⁰ a soplade Akozi, a swaaↄ̃de Abia,

¹¹ a kɛ̃okwide Yesua, a kwide Sekania,

¹² a kuɛdode Ɛliasibu, a kuɛplade Yakiũ,

¹³ a kuɛ'aaↄ̃de Hupa, a gɛ̃o mɛ̀ndosaide Yɛsɛba,

¹⁴ a gɛ̃ode Bilega, a gɛ̃o ń mɛ̀ndoode Imɛɛ,

¹⁵ a gɛ̃o ń plaode Ezii, a bao plasaide Apisɛsi,

¹⁶ a bao mɛ̀ndosaide Petaia, a baode Yeezekɛli,

¹⁷ a bao ń mɛ̀ndoode Yakɛ̃, a bao ń plaode Gamulu,

¹⁸ a bao ń àaↄ̃ode Delaia, a baasↄo mɛ̀ndosaide Maazia.

¹⁹ Lá aali gɛ́ zĩkɛi Dii kpɛ́u aaↄ kↄ̃ gba zɛ́n we, lá Dii Isailiↄ Lua dà an dezi Aalonaɛ a dìlɛwa.

Levii bui kĩniↄ

²⁰ Levii bui kĩniↄn kɛ: Amlaũ bui Sebuɛli nɛ́ Yedeia.

²¹ Lɛabia yoa Isia.

²² Isaa bui Selomↄ nɛ́ Yaata.

²³ Hɛblↄ̃ nɛgↄ̃ɛↄ tↄ́n kɛ: Yelia, Amalia, Yaaziɛ ń Yekamaũo.

²⁴ Uziɛli bui Mika nɛ́ Samii.

²⁵ Mika dãuna Isia nɛ́ Zakali.

²⁶ Mɛlali nɛgↄ̃ɛↄ Mali ń Musio.

²⁷ Mɛlali bui Yaazia nɛgↄ̃ɛↄ tↄ́n kɛ: Bɛnↄ, Soaũ, Zakuu ń Ibelio.

²⁸ Mali nɛ́ Ɛleazaa i nɛgↄ̃ɛ io.

²⁹ Mali nɛ́ Kisi bui Yelamɛli.

³⁰ Musi nɛgↄ̃ɛↄ tↄ́n kɛ: Mali, Edɛɛ ń Yelimↄo. Levii buiↄn we an dezi buiↄwa.

³¹ Ampiↄ sↄ̃ aa gbɛlà lá an gbɛ̃́ Aalona buiↄ kɛ̀wa kí Davidi ń Zadokio ń Aimɛlɛkio ń sa'ona uabeleↄ ń Levii bui uabeleↄ wáaɛ. Vĩ̀i buiↄ ń dãuna buiↄ, yã́ doũ wa kɛ̀nɛ́.