Matìyò 1 - The New Testament in the Babanki language

Ngwàʼ ngə̀ŋ vətìʼ və Yesò Klistò

¹ Tèntə diʼ təzhiʼ tə vətìʼ Yesò Klistò, wàyn Devìt yì a tìʼì wen ndiʼ Ablaham.

² Ablaham ndiʼ tìʼì Izìk diʼ tìʼì Jàkob, Jàkob ndiʼ tìʼì Judà wenə vəlèmə̀ və wen vunə lyʉmə vətsenəvə.

³ Judà ndiʼ tìʼì Bèlès, be diʼ tìʼì Zelà. Ghə̀ nlù bwi vəwenə wenə Tamà. Bèlès ndiʼ tìʼì Heselòn, Heselòn diʼ tìʼì lam,

⁴ Lam ndiʼ tìʼì Aminadàb, Aminadàb diʼ tìʼì Nashòn, Nashòn ndiʼ tìʼì Salmùn,

⁵ Salmùn ndiʼ tìʼì Bowàs a ghə̀ mbwì wenə Lahàb, Bowàs ndiʼ tìʼì Obèd a ghə̀ mbwi wenə wì wen, Obèd ndiʼ tìʼì Jesì,

⁶ Jesì ndiʼ tìʼì fòyn Devìt. Devìt ndiʼ tìʼì Sòlomùyn mu ghə̀ mbwi wen wenə wùwì yì a dìʼì wì Yùlayà a mbì,

⁷ Sòlomùyn ndiʼ tìʼì Lèwobyàm, Lèwobyàm ndiʼ Abijà ndiʼ tìʼì Asà,

⁸ Asà ndiʼ tìʼì Jèwoshafàt, Jèwoshafàt ndiʼ tìʼì Jolàm, Jolàm ndìʼ tìʼì Òzayà,

⁹ Òzayà ndiʼ tìʼì Jotàm, Jotàm ndiʼ tìʼì Aghàs, Aghàs ndìʼ tìʼì Hèzèkaya,

¹⁰ Hèzèkaya ndiʼ tìʼì Mànasè, Mànasè ndìʼ tìʼì Amòn, Amòn ndìʼ tìʼì Jòsayà,

¹¹ Jòsayà ndìʼ tìʼì Jèkònayà wenə vəlèmə̀ və wen lyʉmə vətsen və. Jòsayà nlù bwi vunə a venə a tʉʼ yi a və nlù zhɨ vunə Islel a ghòŋ tsen ghə̀ ə lyɨ̀ vəwenə ə dyʉ̀ nə̀ vəwenə a Babilòyn lì.

¹² A bè ndìʼ tò tʉʼ ayì a Jèkònayà mbwi Shètèl, Shètèl ndìʼ tìʼì Zèlubabèl,

¹³ Zèlubabèl ndìʼ tìʼì Abìyùd, Abìyùd ndì tìʼì Eliyakìm, Eliyakìm ndìʼ tìʼì Asò,

¹⁴ Asò ndìʼ tìʼì Zadok, Zadok ndìʼ tìʼì Akìm, Akìm ndìʼ tìʼì Elìyùd,

¹⁵ Elìyùd ndìʼ tìʼì Elezà, Elezà ndìʼ tìʼì Matàn, Matàn ndìʼ tìʼì Jàkob,

¹⁶ Jàkob ndìʼ tìʼì Josèf a ghə̀ lu lyɨ̀ Mèli a nə̀ wì wen. Mèli lu bwi Yesò yi a və dzàŋ nə̀ Klistò.

¹⁷ Əzìtə̀ fa tʉʼ Ablaham əkuʼ zaʼa tʉʼ Devìt, vətìʼì tìʼ Yesò ndìʼ njʉ̀sə̀ kàʼ, be dìʼ tò njʉ̀sə̀ kàʼ əzaʼa a tʉʼ a və nlyɨ̀ vəwenə ə dyʉ̀ nə̀ vəwenə a Babilòyn, be dìʼ tò mu njʉ̀sə̀ kàʼ fa tʉʼ ayì əzaʼa a tʉʼ a nlù bwì Klistò.

Bwi Yesò Klistò

¹⁸ Və bwi Yesò Klistò a ji ghèn. Lì wen Mèli ndìʼ mu və tisəli nyʉ̀ lam wen wenə Josèf mimbu vəwenə sə lam mu kəzhwì kəŋwoʼkə neli Mèli sə̀ gùfə̀.

¹⁹ Lɨm ə wen Josèf ndìʼ wu jùŋə̀, ghə̀ nko kòŋə ədìʼsə kətʉ kə Mèli a ndayn, ghə̀ mù ghʉ la ghə̀ a sàs lam ayì tò achi achi.

²⁰ Ghə̀ mbu kwòʼtə̀ əsàs lam ayi alì ntsɨ̀ŋ Nyìngòŋ vì à wen a jòm ə gàʼ la,“Josèf wyè fòyn Devìt, kə a fàyn əlyɨ̀ Mèli a nə̀ wì wù byìʼe wàyn yì a ghə̀ gùfə̀lì à nè kəzhwì kəŋwoʼkə”.

²¹ Ghə̀ ne bwi wàyn wulɨm ə wù chʉ zhiʼ wen nə̀ Yesò byìʼì ando ghə̀ lu bwòŋsə viʼi wen fa vəwenə a mbyɨsə.

²² Nyʉ̀ venə nlyɨ̀ kəshi ndìʼ nè la kənyʉ̀ a Nyìngòŋ ngaʼà ə chòsə̀ fà nshə̀ʼtə̀ wen və lyɨ̀ kəshi la,

²³ “Zhʉtə a! wùwì a ghə̀ ko təmə̀ kɨ wulɨm lu gùf ə bwi wàyn wulɨm a və lu chʉ zhiʼ wen nə̀ Emanuwèl a ghə̀ dìʼì la ‘Nyìngòŋ dìʼ wenə vəghəŋ’”.

²⁴ Josèf mù ne lù fa mbə̀ynsə, ə lyɨ̀ Mèli à wen wùwì ando ntsɨŋ ngə̀ŋ Bobo yì gàʼ,

²⁵ alì kò ghə̀ lə tsi nə̀ wen əzaʼa fa tʉʼ a Mèli bwi wàyn wulɨm, Josèf chʉ zhiʼ wen nə̀ Yesò.

« Roimhe

Air adhart »

Lean sinn:

Ceanglaichean taic

Sanasan