Yosua 8 - Bibilia Buk na Ŋun nagon koti luŋu a

Ai a moka a iŋge korii

¹ A MATAT kulyani ko Yosua adi, Ko kujono ko an do ko delya; joŋgi ŋutu kamörök liŋ ko do i pirit na geleŋ, ko ŋine ki, iti Ai yu; mete, nan aje pakiŋdya mor lo Ai konut i könisi. ko natu kanyit, ko köji nase, se ko Jur lose;

² a ti do konakiŋdye Ai se ko mor lonyit gwoso na konakiŋdye do Yeriko nu; tuŋ tajo ŋgaŋo kanyit na momokwe, ko toro ’bo kanyit a ryakat kasu; tiŋdi ŋutu kadomak i ki ’diŋ na köji.

³ A Yosua ŋine ŋien se ko ŋutu kamörök liŋ a nyen tu Ai yu; a Yosua wuluŋdye ŋutu walan alipan merya musala, a sonyoddi se kalor i tukwaje.

⁴ A nye sarakiŋdye se adi, Mete ta, ta de domba köji kanyit i ki ’dio; ko tu ta pajo parik i ŋilu köji, ama gwe ta liŋ ajo;

⁵ a nan ko ŋutu liŋ lo gwon koyo ni kulo de mijoro nyona ko köji. A de gwe sona, ko se lupuŋdye i moro koyi gwoso na köju nu, a yi de wöki kalor kase i komor;

⁶ a se de kipuŋdye yi, tojo koyi aje lulukara se pajo ko köji; kogwon se de kulya adi, Lepeŋat a wökön kalor kayaŋ i komor gwoso na köju nu. A yi de wöki kalor kase i komor;

⁷ a ta de pine ŋien i domba nasu, a morgi köji; kogwon MATAT ŋun losu de pakiŋdya nye kasu i könisi.

⁸ A de gwe sona nagon ta aje riŋuŋdya köji nu, a ta de ’yuŋe köji; a ta koŋdi gwoso i kulyaet lo MATAT; mete ta, nan aje sarakiŋdya ta.

⁹ A Yosua sonyoddi se kalor; a se iti i pirit domet, a si ’dani i kiden na Betele ko Ai, i swot lo tokotyaŋ lo Ai; ama a Yosua dotoni ko ŋutu kiden i lu tukwaje.

¹⁰ A Yosua ŋine ki ko ’bure kobubut, a momori ŋutu, a iti tu se ko temejik ti Yisaraele, i ŋerot na ŋutu tojo ko Ai.

¹¹ A ŋutu kamörök liŋ lo gwon ko lepeŋ kulu iti tu, a ’dure nyona i komor na köji, a ’beggi kemialan i swot lo lobot lo Ai, a pirit na ’dir gwe i kiden nase ko Ai.

¹² A nye ’dumuŋdye ŋutu gwoso alipan mukanat, atiŋdi se a kadomak i kiden na Betele ko Ai, i swot lo tokotyao lo köji.

¹³ A ŋutu liŋti mera iŋge tiki piriton kase i swot lo lobot na köji, a kadomak gwe i swot lo tokotyaŋ na köji; a Yosua joŋgi lu tukwaje i kiden na nu pirit na ’dir.

¹⁴ A ko gwe sona na meddi mor lo Ai kine kulya nu, a ŋutu ti köji nyoŋgi nyoŋga, aŋine ŋien ko ’bure kobubut i tu kalor i moro ko ŋutu ti Yisaraele. A lepeŋ se ko ŋutu kanyit liŋ iti i pirit na wulwe i komor na Araba; a nye gwe; ko den adi kadomak kata lo domba nye i ki ’dio na köji.

¹⁵ A Yosua se ko ŋutu liŋ ti Yisaraele koŋdi ’börik kase i komor gwoso nagon se aje tela, a wöki wokön i kiko lo yöbu.

¹⁶ a ŋutu liŋ lo gwon köji kata kulu luŋweni i pirit na gelen anyen kepöddu lepeŋat, a se kepoddi Yosua, a lulukajine pajo i köji.

¹⁷ A lele ŋuto gwe ’bayin logon a kölöki kode Ai kode Betele logon a ko tu kaŋo i kepöddu na ŋutu ti Yisaraele; a se kölökiŋdye köji aŋapa, a kepoddi ŋutu ti Yisaraele.

¹⁸ A MATAT kulyani ko Yosua adi, Riörö könin ilot kaŋo logon ko gor lo i swöt lo Ai; kogwon nan de pakiŋdya lepeŋ konut i könin. A Yosua rikiŋdye könin lonyit logon ko gor lo i swöt lo köji.

¹⁹ A kadomak ŋine ŋien ’de ’de kase i piritön, a se wöki wökön na rikiŋdye lepeŋ könin nu, a se lupöni köji kata a morgi lepeŋ; a se nyoŋgi nyoŋga i ’yuŋa na nu köji.

²⁰ A ŋutu ti Ai ko boŋaddi kase i mukök, a se meddi köpuröt lo nu köji i gwululuöddu ki, a mugunya kase iŋge po adi jua, a se tine bulö wökön kode i lo swöt kode i lu swöt, kogwon ŋutu logon wökön i swöt lo yöbu kulu kölumbö löpukökiŋdyö bot i kakepok kase.

²¹ A Yosua se ko ŋutu liŋ ti Yisaraele ko meddi adi kulu kadomak aje morga köji, köti adi köpuröt lo köji gwululuöddu ki, a se löpuköni bot, a tatujeŋutu ti Ai.

²² A kulye kase poŋdi kaŋo köji kata i mörö ko se; nyenagon a se gwe i kiden na ŋutu ti Yisaraele, kulye i lo swöt, ko kulye i lu swöt; a ŋutu ti Yisaraele tatuje se, a gwe a ko kölökin lele lose jörun kode lele i wökön.

²³ a se morgi mor lo Ai jörun, ajoŋgi lepeŋ ko Yosua yu.

²⁴ A ko gwe sona nagon ŋutu ti Yisaraele aje tutuŋgö tatuja ŋutu liŋ ti Ai mu ’diŋ, i yöbu nagon se a riköddi lepeŋat kata nu, a nagon se liŋ aje totoko kak ko baŋdujin adi sit nu, a ŋutu liŋ ti Yisaraele yitöni bot Ai, a totoggi ŋutu kanyit ko baŋdujin.

²⁵ A ŋutu liŋ lo ’do ’do kak a twatwa i pilu lor kulo mora ko lyan ko wate gwe a alipan puök wot murek, iŋkoi ŋutu liŋ ti Ai.

²⁶ Kogwon Yosua a ko nyökuŋdyö könin lonyit bot, lo riöddi nye gor lu, tojo ko nye a tukar ŋutu liŋ ti Ai adi sit.

²⁷ A ŋutu ti Yisaraele tuŋ ryakuŋdye toro ’bo se ko po lo momokwe i ŋinu köji kulo a kase, gwoso i kulyaet lo MATAT logon nye a saŋi Yosua lu.

²⁸ Nyena a Yosua ’yuŋe Ai, a koŋdi lepeŋ a ki ’dirö lo yeŋ nyin logon a murwö, tojo ko lo lor.

²⁹ A nye lilikiŋdye mor lo Ai i ködini ki tojo ko tokotyaŋ; a i ’doro na kolor a Yosua saŋi saŋu, a se ’dukuŋdye öpu nanyit kak i ködini ki, a gubakiŋdye lepeŋ i lupet na köji, a se ’du ’dulukiŋdye kanyit loki ’dome duma lo ŋurupö logon gwon nyu tojo ko lo lor.

Saresi lo kena i mere Ebala

³⁰ Nyena a Yosua dipakiŋdye MATAT ŋun lo Yisaraele pirit ’yuret na rubaŋga-jin i mere Ebala,

³¹ gwoso nagon Mose kölipönit lo MATAT a sarakiŋdye ŋutu ti Yisaraele nu, gwoso nagon a wuröki i buk na saresi ti Mose adi, Pirit ’yuret na rubaŋgajin ködyö didipa ko ŋurupö logon a ko gwagwalaka, logon lele ŋuto a ko tur ko wititöt. A se wukiŋdye MATAT rubaŋgajin lo ’yu ’yura ’buluŋ kanyit loki, a ’duŋge rubaŋgajin ti taliŋ.

³² A nye gigirukiŋdye nyökit na saresi logon Mose a wur i kulu ŋurupö ko ŋutu ti Yisaraele i komor kulu.

³³ A ŋutu liŋ ti Yisaraele ju ŋutu lepelok se ko komonye jur, ko temejik kase, ko dumalak kase se ko ka ’dupök kase ti putesi kulu, gwo ’de gwo ’dan i lo swöt lo saŋduk ko i lu swöt ko koanejin Lewijin i komor, logon a ka ’dokök ti saŋduk na tomoret na MATAT. A lele swöt lose gwe i komor na mere Gerrim, ko lele swöt lose i komor na mere Ebala; gwoso na saŋi Mose kölipönit lo MATAT köju nu, adi ti se ’boroji ŋutu ti Yisaraele.

³⁴ A kirut nye keŋdi kulyaesi liŋ ti saresi, ko ’boriesi se ko lömesi, gwoso i liŋ nagon a wuröki i buk na saresi kune.

³⁵ A lele kulyaet gwe ’bayin i liŋ nagon Mose a saŋi kunu nagon Yosua a ko kenakin i komor na mo-moret liŋ na ŋutu ti Yisaraele, mora ko ŋutu wate, ko lupudiet, se ko ŋutu lepelok logon si ’da kase kiden kulu.