Yosua 7 - Bibilia Buk na Ŋun nagon koti luŋu a

Toron na A kana

¹ Ama a ŋutu ti Yisaraele laŋgi saret i kulya ti ŋo nagon a gelwe a na rurwan kunu; kogwon Akana ŋuro lo Karmi, ŋuro lo Tabedi, ŋuro lo Jerak, lo kötumit na Yuda, a ’dumuŋdya kunie ti ŋo na rurwan; a woran na MATAT tuleki i ŋutu ti Yisaraele.

² A Yosua soŋdi ŋutu Yeriko yu tojo ko Ai nagon diŋö ko Bet-awen, i swöt lo ’yure lo Betele, a kulyani ko se adi, Iti ta i wiŋa na lu jur. A kulu ŋutu iti tu, a wiŋe Ai.

³ A se yitwene ko Yosua ni, a kulyani ko lepeŋ adi, Ti ŋutu liŋ gwe ti tu, ama ti ŋutu gwoso alipan murek kode musala iti i köŋu na Ai; an do ko tiŋdu ŋutu liŋ i dara nyu, kogwon se ku ’dik kana.

⁴ Nyenagon a ŋutu kase iti nyu gwoso alipan musala; a se wöki wökön ko ŋutu ti Ai i komor,

⁵ a ŋutu ti Ai tatujeŋutu kase gwoso merya musala wot buker, a se rikoddi lepeŋat i komor na lupet na köji tojo ko Sebarim, a tatuje se i pirit dudulet. A töilyet ti ŋutu doddi doddya ko kujönö, a poŋdi gwoso pioŋ.

⁶ A Yosua se ko temejik ti Yisaraele kekereŋdi boŋgwat kase, a ’dorone kak rupu i komor na saŋduk na MATAT a gwe nyu tojo ko sömukö; a se kukuŋe kusik kase koŋutut.

⁷ A Yosua kulyani adi, Wöidiö, pon MATAT Ŋun, ko nyo do aje jon kulo ŋutu i na pele na Yardene, anyen pakiŋdya yi ko ŋutu ti Amori i könisi i tukaŋu na yi? A na ’but bia koyi ködyö aje ruggö si ’da yu i nu pele na Yardene!

⁸ Pon MATAT, a nan de kulyani adi nyo nagon ŋutu ti Yisaraele aje lopukökin merok kase ki ’dirinö kase!

⁹ Kogwon ŋutu ti Kanana se ko ŋutu ti lo jur liŋ de ko yiŋge, a de tumakiŋdye yi kiden, a de ’duŋöddi karin kaŋ kaŋo i na kak; a do de koŋdi nyo kogwon karin kunök na kukwön?

¹⁰ A MATAT waddi Yosua adi, Ŋine ki; nyo do ’doro kak rupu?

¹¹ ŋutu ti Yisaraele aje toroŋdya; iye, se aje laŋgu tomoret nio nagon nan a sarakin se na; iye, se aje ’dumaddu kunie ti ŋo na rurwan; a se iŋge koko ’ya, a mumuluŋge mumulugga, a se iŋge tiŋdu i kiden na tito kase.

¹² Nyenagon a ŋutu ti Yisaraele tine bulö gwo ’dan ko merok kase i komor; se aje löpukökiŋdyö merok kase ki ’dirinö kase, kogwon se aje wora aŋolo tutukara; a nan köti tine gwon ko ta asut, ake ko ta a tukararaŋo na rurwan kune kaŋo kasu kiden.

¹³ ŋine ki, geluŋdye kulo ŋutu, ko taki se adi, Toke ’yi ta ’börik i kulya ti ko ’bure; kogwon MATAT ŋun lo Yisaraele lo kulya adi, Ta ŋutu ti Yisaraele, kunieŋo na rurwan kata kasu kiden; a ta tine bulö gwo ’dan ko merok kasu i komor, tojo ko ta aje jo ŋgaŋo na rurwan kaŋo kasu kiden.

¹⁴ Nyenagon ko ’bure a ta mo jweni nyona a kötumitön; a mo gwe sona, a kötumit nagon MATAT mo wuwulun nu mo poŋdi nyona a midijik; a mede nagon MATAT mo wuwulun nu mo poŋdi nyona a kadijik; a kadi nagon MATAT mo wuwulun nu mo poŋdi nyona ŋutu liŋ geleŋ geleŋ.

¹⁵ A mo gwe sona adi nye logon a rye koŋo na rurwan lo mo ’yu ’yura ko kimaŋ, se koŋo liŋ na gwon ko lepeŋ kune, kogwon nye aje laŋgu tomoret na MATAT, köti aje koŋdyapo naron nagon ti jukin i kona i kiden na ŋutu ti Yisaraele.

¹⁶ A Yosua ŋine ŋien ko ’bure kobu­but, a joŋdi ŋutu ti Yisaraele nyona a kötumitön; a kötumit na Yuda iŋge wulwe;

¹⁷ a nye joŋdi midijik ti Yuda nyona, a mede na ŋutu ti Jerak iŋge wulwe; a nye joŋdi mede na ŋutu ti Jerak nyona liŋ geleŋ geleŋa Tabedi iŋge wulwe;

¹⁸ a nye joŋdi kadi nanyit nyona liŋ geleŋ geleŋ, a Akana ŋuro lo Karmi, ŋuro lo Tabedi, ŋuro lo Jerak, lo kotumit na Yuda iŋge wulwe. A Yosua kulyani ko A kana adi, ŋuro lio, boŋo bu ’ye MATAT ŋun lo Yisaraele,

¹⁹ ko tiŋdi lepeŋ puresi; ko taki nan soŋinana ko do a koŋdya nyo; an do ko ’de ’ya se Köyö.

²⁰ a A kana waddi Yosua adi, ’Diri nan aje toroŋdya MATAT ŋun lo Yisaraele, a nan iŋge koŋdya sona adi,

²¹ na meddi nan boŋgo muit nakwekwelen na Jwe Sinar i kiden na tito na ryakwe kune nu, ko sekelejin miajin murek ti podo, ko tupet na dakap nagon temuŋdya a sekelejin merya mukanat kine, a nan be ’yi be ’ya se, a ’dumaddi se; nyena mete, se kunu a ’bokaki kak i lukata na kemia nio, se ko nu podo kase lukak.

²² A Yosua sonyoddi luyökie, a wöki i nu kemia; mete, a boŋgo muit iŋge ’delaki kanyit i kemia se ko podo kanyit lukak.

²³ a se ’dumuŋdye kunuŋo kaŋo i lukata na kemia, a Takiŋdye Yosua ko ŋutu liŋ ti Yisaraele; a se petakiŋdye kine ŋo ko MATAT i komor.

²⁴ A Yosua se ko ŋutu liŋ Yisaraele i pirit na geleŋ joŋgi Akana ŋuro lo Jerak kaŋo ko podo, ko nu boŋgo, ko tupet na dakap, ko ŋwajik kanyit lyan ko nawate, ko öwönin kanyit, ko kaineki kanyit, ko yidin kanyit, ko kemia nanyit, se koŋo liŋ na gwon ko lepeŋ kunu; a se Joŋgi lepeŋat i pirit na ’dir na Akor.

²⁵ a Yosua pipije adi, Nyo do jakiŋdya yi na sasanyet? MATAT de sasaŋdu do i lo lor. A ŋutu liŋ ti Yisaraele tatuje lepeŋ ko ŋurupö; a ’yuŋe lepeŋat ko kimaŋ, a gugubuje lepeŋat ko ŋurupö.

²⁶ A se ’du ’yi ’dome duma lo ŋurupö kanyit loki, lo yeyeŋon tojo ko lo lor, a MATAT kö ’yi woran nanyit na pape. Nyenagon a karin ti nu pirit luŋuni a pirit na ’dir na Akor tojo ko lo lor.