Yosua 24 - Bibilia Buk na Ŋun nagon koti luŋu a

Tambu na Yosua na ’dutet

¹ A Yosua momorakiŋdye kötumitön liŋ ti Yisaraele Sekeme yu, a luŋgi temejik ti Yisaraele, se ko kusik kase, ko ka ’du ŋök kase ti putesi, se ko katiyuk kase; a se kwekiŋdye ’börik ko Ŋun i komor.

² A Yosua kulyani ko ŋutu liŋ adi, MATAT Ŋun lo Yisaraele lo kulya adi, Merenyejin kasu köju si ’da i nu pele na kare Perat, kweja adi Terak ko ŋwajik kanyit logon a ko Abarayama ko Nakor; a se i ŋge kitakiŋdya kulye ŋunyen.

³ A nan i ŋge joŋ merenye losu Abarayama i nu pele na kare, a nyömöddi lepeŋ i jur lo Kanana liŋ, a tu ŋö ŋe nyakwariat kanyit, a tiŋdi lepeŋ Yisaka.

⁴ A nan tiŋdi Yisaka Yakobo se ko Esau: a nan tiŋdi Esau mere Seir anyen gwon a lonyit; a Yakobo se ko ŋwajik kanyit iti Ejipeto.

⁵ A nan soŋdi Mose se ko Arona, a nan tom ŋe Ejipeto ko ŋo nagon nan kon kase kiden kunu: a i mukök a nan toyuuŋdye ta kaŋo nyu.

⁶ A nan toyuuŋdye merenyejin kasu kaŋo Ejipeto yu; a ta ’duröki i tör na ’bala ŋ; a ŋutu ti Ejipeto kipuŋdye merenyejin kasu ko arabiajin lo jijikö se ko ŋutu ti kusanjin tojo ko Tör Nator.

⁷ A nagon se gwiörö ko MATAT nu, a nye tiŋdi mudwe i kiden nasu ko ŋutu ti Ejipeto, a tiŋdi tör i ŋo kase loki i muluja na se; a ta iŋge met ko konyen kasu ko nan a konakin ŋutu ti Ejipeto ada; a ta i ŋge si ’da i yöbu perok jore.

⁸ A nan joŋgi ta i jur lo ŋutu ti Amori logon si ’da i nu pele na Yardene; a se i ŋge mörö ko ta; a nan pakiŋdye se kasu i könisi, a ta morgi jur lose; a nan tukaŋi se kasu i komor.

⁹ Nyena a Balak ŋuro lo Siŋör, mor lo Moaba, ŋiki i mörö ko ŋutu ti Yisaraele; a nye soŋdi kutuk i lu ŋgu na Balam ŋuro lo Beor i lombu na ta,

¹⁰ ama a nan tine ’bön yi ŋga Balam; nyenagon a nye kölumbö iti ŋerot i ’boroja na ta: a nan lwöku-ŋdye ta sona kanyit i könisi.

¹¹ A ta laŋgi Yardene, a ’duröki Yeriko; a ŋutu ti Yeriko, ko ŋutu ti Amori, ko ti Periji, ko ti Kanana, ko ti Kiti, ko ti Giriŋasi, ko ti Kiwi, se ko ti Yebusi i ŋge mörö ko ta; a nan pakiŋdye se kasu i könisi.

¹² A nan soŋdi li ’bi ’bi ŋon kasu ŋerot, logon riköddu kulo moran murek ti Amori kaŋo kasu i komor; ti gwon ko baŋdujin kasu, kode ko da ŋin kasu.

¹³ A nan tiŋdi ta lele jur logon ta a ko kita kata lu, se ko köjinö nagon ta a ko ’duk kine, a ta si ’dani nyu; a ta i ŋge nyesu ludweki ti luköbiöt ti bi-nyo ko ti jeitun logon ta a ko ’yut kulo.

¹⁴ Nyenagon so pinana kuŋge ta MATAT, ko kitakiŋdye ta lepeŋ i tugwakan ko i to ’diri; ko paji ta ŋunyen logon merenyejin kasu aje kitakiŋdya lepeŋat i nu pele na lu Kare ko i Ejipeto kulu, ko kitakiŋdye ta MATAT.

¹⁵ A ko ta ti ’bön kitakiŋdya MATAT, a ta wuluŋdye ta i lo lor ko ta kitakiŋdya ŋa, kode ta ŋona kitakiŋdya ŋunyen logon merenyejin kasu a kitakin i nu pele na Kare, kode ŋunyen ti ŋutu ti Amori logon ta a si ’da kase i jur kulu. Ama ko gwe gwoso nan se ko mede nio, yi kitakiŋdya MATAT.

¹⁶ A ŋutu kulo waddi adi, Ti kine kulya gwe pajo kayaŋ adi yi kö ’yu MATAT a kitakiŋdye kulye punyen;

¹⁷ kogwon ŋilo a MATAT Ŋun likaŋ lo joŋdya yi se ko merenyejin kaŋ kaŋo i jur lo Ejipeto, ko i pirit na to ’dupien. Ŋilo a nye logon a koŋdya kinu kweyesi temejik kayaŋ i metet, a gayuŋdye yi i kiko liŋ lo ŋoŋdi yi lo, ko i kiden na gweyajin liŋ ti ŋutu lo lwöpuŋdye yi kulu;

¹⁸ a MATAT iŋge rikörö kilu gweyajin liŋ ti ŋutu kaŋo kayaŋ i komor, logon a ŋutu ti Amori lo si ’da i lu jur kulu; nyenagon a yi köti mo kitakiŋdye MATAT, kogwon nye a Ŋun likaŋ.

¹⁹ Ama a Yosua kulyani ko ŋutu kulo adi, Ta ti bulö kitakiŋdya MATAT; kogwon nye a Ŋun loke lo rurwan; nye a Ŋun kayinönit; a nye mo tine pitökin lyapesi kasu kode toronjin kasu.

²⁰ Ko ta a kö ’yu ŋilo MATAT a kitakiŋdye punyen logon a lwaka, a nye mo löpuköni löpukö a konakiŋdye ta arabat, a tutuŋge ta i mukök nagon nye aje konakiŋdya ta ’bura nu.

²¹ A kilo ŋutu kulyani ko Yosua adi, ’Bayin, ama yi kitakiŋdya MATAT.

²² A Yosua kulyani ko ŋutu kulo adi, Ta a tökoŋu ko ’börik adi ta a wulöki-ŋdyö ’börik MATAT i kitakiŋdya na lepeŋ. A se waddi adi, Yi a katökorok.

²³ A nye kulyani adi, Nyena paji ta punyen lwaka logon gwon kasu kiden kilo, ko ti töilyet kasu juŋe MATAT ŋun lo Yisaraele.

²⁴ A ŋutu kulo kulyani ko Yosua adi, Yi kitakiŋdya MATAT Ŋun likaŋ, a yiŋge gworo lonyit.

²⁵ Nyenagon a Yosua teteŋdi tomoret ko ŋutu i pirit na geleŋ i pilu lor, a tetenakiŋdye se saresi lo wurö ko juju wesi Sekeme yu.

²⁶ A Yosua wuröki-ŋdye kulo kulyaesi i buk na saresi ti Ŋun; a nye joŋgi ŋurupit duma, a togwi ’dikiŋdye nye nyu i mukök na ködini logon a ri nyona ko pirit nake na rurwan na MATAT.

²⁷ A Yosua kulyani ko ŋutu liŋ adi, Mete ta, na ŋurupit mo na tökoŋu kulya kaŋ; kogwon nye aje yiŋ kulyaesi liŋ ti MATAT logon nye aje jamakin yi kulu; a nye mo na tokoŋ kulya kasu, an ta ko koŋdya ’burönö i kulya ti ŋun losu.

²⁸ Nyena a Yosua soŋdi kulo ŋutu liŋ, padi geleŋ tu kanyit i lomore.

Twan na Yosua ko na Elejara

²⁹ A ko gwe sona i mukök na kine kulya, a Yosua ŋuro lo Nun, köliŋönit lo MATAT twane twan na gwoŋdi nye ko kipajin mia geleŋ ko puök nu.

³⁰ A se nuŋge lepeŋ i lomore nanyit Timenat-serak yu, na gwon i jur lo Epuraima logon a merya, i swöt lo lobot lo mere Gasa.

³¹ A ŋutu ti Yisaraele iŋge kitakiŋdya MATAT i perok liŋ ti Yosua, köti ko i perok liŋ ti temejik logon nyuŋ gwogwolor lwölwöŋ Yosua kulu, köti logon a den kitajin liŋ ti MATAT nagon nye aje konakin ŋutu ti Yisaraele kunu.

³² A kuyu ti Yosepa logon ŋutu ti Yisaraele aje ’dukuŋdyö kaŋo Ejipeto yu kulo nukakine Sekeme, i nu kak na gwörun Yakobo ko ŋwajik ti Amor monye Sekeme i könin ko pödöjin mia geleŋ nu; a nye gwe a kak lomore na nyakwariat ti Yosepa.

³³ A Elejara ŋuro lo Arona twane twan; a se nuŋge lepeŋ Gibea yu nagon a köji na ŋuro lonyit Pinasa, nagon a tiki lepeŋ i jur lo Epuraima logon a merya.