Yosua 23 - Bibilia Buk na Ŋun nagon koti luŋu a

Yosua saŋu ŋutu

¹ A ko gwe sona i mukök na perok jore, nagon Ŋun aje tiŋdu Yisaraele i yukan i kulya ti merok kase liŋ kase i mara, köti nagon Yosua gwe a modo ŋ ko ki ŋajin jore nu,

² a Yosua lupuŋdye Yisaraele liŋ, ko temejik kase ko kusik kase, ko ka ’du ŋök kase ti putesi se ko katiyuk kase, a kulyani ko se adi, Nan so pinana gwe a modo ŋ ko ki ŋajin jore;

³ ta aje met ŋo liŋ nagon MATAT Ŋun losu aje konakin kulo jurön liŋ kogwon kulya kasu kune, kogwon MATAT Ŋun losu lo mörö kasu i swöt.

⁴ Mete ta, nan aje korakiŋdya ta kilo juron logon a pituŋdyö kilo, anyen gwon a lomoriot ti kötumitön kasu, se ko jurön liŋ logon nan aje ’du ŋörö kaŋo kilo, suluja Yardene tojo ko tor duma na ’bala ŋ i swöt lo ’doro ’i kolor lu.

⁵ A MATAT Ŋun losu mo dukaddi se kaŋo kasu i komor, a mo riköddi se kaŋo a ta memeddya; a ta mo morgi jur lose, gwoso na kulyari MATAT Ŋun losu ko ta nu.

⁶ Nyenagon gwe ta a iŋgo parik i ŋ ŋu i koŋdya na ŋo liŋ nagon a wuröki i buk na saresi ti Mose kune, an ta ko löpuköddu ta kaŋo kode i swöt lo lutaten kode i swöt lo kado ŋe:

⁷ an ta ko mora ta ko ŋutu ti jurön logon nyuŋ si ’da kasu kiden kilo; an ta ko kwakwaddu ta ’diŋdya karin ti ŋunyen kase, kode i milyeju i ’diŋdya na se, kode i kitakiŋdya na se, kode i dulaki-ŋdya na ’börik kak kase i komor i twoju na se;

⁸ ama ’depakiŋdye ta go ko MATAT Ŋun losu, gwoso na koŋdi ta tojo ko lo lor na.

⁹ Kogwon MATAT aje riköddu jurön logon a dumalak ko a iŋgo kaŋo kasu i komor; ama ko gwe gwoso ta, lele ŋuto gwe ’bayin logon jujukin te ’ya ta tojo ko lo lor.

¹⁰ A ŋuto geleŋ losu riköddi ŋutu aliŋ, kogwon MATAT Ŋun losu lo mörö kasu i swöt, gwoso najambi nye ko ta nu.

¹¹ Nyenagon ŋ ŋi ta ’börik ’bura, anyen ta nyaŋu MATAT Ŋun losu.

¹² Kogwon ko ta ködyö a yitö bot, anyen morakiŋdya i pitönö ti ŋutu ti jurön logon a pitöki kasu kiden kulo, anyen ta totoyem, kweja adi ta yemuŋdya ŋutu wate kase a se yemaddi kasu;

¹³ dene ta den ’diri adi MATAT Ŋun losu mo ti riköddu kulu juron kaŋo koti kasu i komor; ama a se mo gwe kasu a meyi loket, ko a kurubasi kasu i mara, ko a kikwa kasu i konyen, tojo ko ta mo a tukaraji kaŋo i lo jur lo ’but logon MATAT Ŋun losu aje tin ta lo.

¹⁴ Köti mete ta, so pinana nan gwe nyona ko tiri kiko logon ŋutu liŋ titiri lo; ta liŋ aje den kasu i töilyet ko kasu i ködu dwölön adi nene ŋo ’bayin nagon a jaran i kiden na ŋo na ’but liŋ nagon MATAT Ŋun losu a jambu i kulya kasu kune; se liŋ a konaki ta, a nene ŋo gwe ’bayin nagon a jaran i kona.

¹⁵ A mo gwe sona, gwoso nagon ŋo na ’but liŋ a konaki ta nagon MATAT ŋun losu a jambu i kulya kasu kune, a MATAT mo jakiŋdye ta ŋo narok liŋ, tojo nye a tukarara ta kaŋo i lo jur lo ’but logon MATAT Ŋun losu aje tin ta lo,

¹⁶ ko ta ködyö a la ŋgu tomoret na MATAT Ŋun losu nagon nye a sarakin na, anyen tu i kitakiŋdya na kulye ŋunyen, i dulakiŋdya na ’börik kak kase i komor i twöju na se; nyena a woran na MATAT mo tuleki kasu loki, a ta mo tukarajine kaŋo ’de ’de i lo jur lo ’but logon nye a tin ta lo.