Yosua 16 - Bibilia Buk na Ŋun nagon koti luŋu a

Kak na koraki Epuraima ko Manase

¹ A gura na ŋwajik ti Yosepa suluje Yardene Yeriko yu, i swöt lo ’yure lo jor na Yeriko i yöbu, a ’dakara suluja Yeriko i jur lo merya tojo Betele;

² a suluje Betele tojo Luja, a lwöŋöddi Atarot nagon a lokökorit lo ŋutu ti Areki;

³ a dudulara kak i swot lo tokotyaŋ tojo ko lokökorit lo ŋutu ti Yapeleti, tojo ko lokökorit lo Bete-koron na gwon i dudulet, tojo ko Gejer, a ’dutökiŋdye i tör na ’balaŋ.

⁴ Nyena a ŋwajik ti Yosepa logon a ko Manase ko Epuraima kulo wuji kak lomore nase.

⁵ A lokökorit lo ŋutu ti Epuraima, gwoso i midijik kase gwe sona; kweja adi lokökorit lo lomore nase i swöt lo ’yure gwon a Atarot-adar, tojo ko Bete-koron na gwon i ko ’du ki;

⁶ a lokökorit iti ŋerot nyu tojo ko tör na ’balaŋ; a Mikemetat gwe i swöt lo lobot; a lokökorit yepaddi i swöt lo ’yure tojo ko Tanat-silo, a nabbi nye i swöt lo ’yure lo Tanoak;

⁷ a dudulara kak Tanoak tojo ko Atarot, a yeŋgi Nara, a ’duröki Yeriko, a ’ŋutökiŋdye Yardene.

⁸ Suluja Tapuak a lokökorit iti i swöt lo tokotyaŋ tojo ko kare logon karin kanyit a Kana, a ’ŋutökiŋdye i tör na ’balaŋ. Nyena a kak lomore na ŋutu ti Epuraima gwoso i midijik kase,

⁹ mora ko köjinö nagon a gelaki ŋutu ti Epuraima i kiden na lomore na ŋutu ti Manase, kweja adi kunu köjino liŋ se ko turön kase,

¹⁰ A se tine rikörö ŋutu ti Kanana kaŋo logon si ’da Gejer yu kulu; ama a ŋutu ti Kanana si ’dani i kiden na ŋutu ti Epuraima tojo ko lo lor, a si ’dani a ’dupi anyen ripaki i kita.