Yosua 15 - Bibilia Buk na Ŋun nagon koti luŋu a

Kak na koraki ŋutu ti Yuda

¹ A gura na kötumit na ŋutu ti Yuda gwoso i midijik kase ’dakara i swöt lo loki tojo ko lokökorit lo Edom, iŋkoi tojo ko yöbu na Siri ’dutet nanyit liŋ.

² A lokökorit lose i swot lo loki suluje i ’dutet na tör nagon ti ’dokon nagon pioŋ kanyit a ’balaŋ parik na, suluja i kutuk na tör na julumaddu i swot lo loki;

³ a nye yeŋgi i swot lo loki lo kak nagon gwolopara a ko ’du na Akarabim, a lwöŋöddi tojo Sin, a yeŋgi tojo i swöt lo loki lo Kadesa-barenea, a yeŋgi ŋerot nyona ko Keseron, a Lwoŋoddi tojo Adar, a loraddi lo Karka,

⁴ a nye Lwoŋoddi tojo Asemon, a tiri kare lo Ejipeto, a ’dutesi ti lokökorit gwe i tör duma na ’balaŋ. A ŋilo mo gwe a lokökorit losu lo swot lo loki.

⁵ A lokökorit lo swöt lo ’yure gwe aŋinu tör nagon a ’balaŋ parik nu, tojo ko ’bulit na Yar­dene. A lokökorit lo swöt lo lobot suluje i kutuk na tori ’bulit na Yardene;

⁶ a lokökorit iti tojo Bete-kŋgela, a napaddi swöt lo lobot lo Bet-araba; a lokökorit yeŋaddi tojo ko ŋurupit na Boana ŋuro lo Rubena;

⁷ a lokökorit suluje i pirit na ’dir na Akor, a iti tojo Debir, a iti i swöt lo lobot lo metaddu Giligala, nagon todir ko kak nagon gwolopara a ko ’du na Adumim na gwon i swot lo loki lo kare; a lokökorit yeŋgi ŋerot tojo ko kidi lo Ene-semese, a ’duddye Ene-rŋgele yu;

⁸ a lu loko­korit napaddi i pirit na ’dir na ŋuro lo Inoma tojo ko goŋet lo mere lo ŋutu ti Yebusi i swot lo loki (ŋina a Yerusalema); a lokökorit iti ki tojo i pilya na mere logon todir ko pirit na ’dir na Inoma i swöt lo tokotyaŋ, i ’dutet na pirit na ’dir na Repa i swot lo lobot;

⁹ nyena a lokökorit iti ŋerot suluja i pilya na mere tojo ko lelekesi ti jor na Nepetoak, a yeŋaddi ŋerot nyu tojo ko köjinö ti mere Epurön; a lokökorit loraddi i swöt lo Bala (ŋina a Kiryatyarim); a lokökorit dulöddi Bala i swöt lo tokotyaŋ tojo ko mere Seir, a napaddi goŋet lo mere Yarim i swöt lo lobot (ŋina a Kesalon), a dudulara kak tojo Bete-semese, a napaddi lo Timena;

¹⁰ a lokökorit yeŋaddi ŋerot tojo i goŋet lo mere i swöt lo lobot lo Ekron,

¹¹ a lokökorit loraddi tojo Sikeron, a Lwoŋöddi ŋerot tojo ko mere Bala, a iti kaŋo tojo ko Yabenele; nyena a lokökorit ’dutökiŋdye i tör duma na ’balaŋ.

¹² A lokökorit lo gwon i swöt lo tokotyaŋ lo gwe a tör duma na ’balaŋ i kutuk nanyit ŋilo a lokökorit lo lorga ŋutu ti Yuda gwoso i kötumitön kase.

Kaleba a te ’ya Keberon ko Debir

¹³ A Yosua korakiŋdye Kaleba ŋuro lo Yepune kak lomore i kiden na ŋutu ti Yuda, gwoso na saŋi MATAT nye nu, ŋina a Kiryat-arba, kweja adi a Keberon (Arba a monye Anak).

¹⁴ A Kaleba rikoddi ŋwajik musala ti Anak kaŋo nyu, logon a ko Sesai, ko Akiman, se ko Talemai nyakwariat ti Anak.

¹⁵ A nye iti kaŋo nyu i mörö ko ŋutu ti Debir; köju ’beron karin ti Debir a Kiryat-seper.

¹⁶ A Kaleba kulyani adi, Nan mo tiŋdu ŋuro nio Akasa i yema koŋuto logon a morö ko Kiryat-seper a riŋuŋdye nye lo.

¹⁷ A Oteniele ŋuro lo Kenaja, luŋaser lo Kaleba riŋuŋdye nu köji; a kirut Kaleba tiŋdi lepeŋ ŋuro nanyit Akasa a nakwan nanyit.

¹⁸ A gwe sona nagoŋ di Akasa kanyit ni nu, a nye toyiyikiŋdye lepeŋ i piyuŋdya na melesen ko monye lonyit; a Akasa kiyuŋdye kak i kaine loki, a Kaleba pipije lepeŋ adi, Do ’dek nyo?

¹⁹ A nye waddi adi, Tiŋdi nan ’doket; kogwon do aje tiŋdu nan i yemaji i jur lo Loki, köti tiŋdi nan lelekesi ti pioŋ. A Kaleba tiŋdi lepeŋ lelekesi lo gwon i ko ’dulan se ko lelekesi lo gwon i pirit na ’dir kulo.

Köjinö ti Yuda

²⁰ Ŋina a lomore na kötumit na ŋutu ti Yuda, gwoso i midijik kase.

²¹ a köjino nagon a ti kötumit na ŋutu ti Yuda i ’dutet na swot lo loki komorga lokökorit lo Edom kune gwe a ko Kabasele, ko Eder, ko Yagur,

²² ko Kina, ko Dimona, ko Adada,

²³ ko Kedese, ko Kasor, ko Yitenan,

²⁴ ko Jipi, ko Telem, ko Bealot,

²⁵ ko Kasor-adata, se ko Keriota-keseron (ŋina a Kasor,)

²⁶ ko Amam, ko Sema, ko Molada,

²⁷ ko Kasar-gada, ko Esemon, ko Bete-pelet,

²⁸ ko Kasar-suala, ko Ber-seba, ko Bijiotaya,

²⁹ ko Bala, ko lyim, ko Esem,

³⁰ ko Eletolada, ko Kesila, ko Kormak,

³¹ ko Sikelaga, ko Mademana, ko Sanasana,

³² ko Lebaot, ko Silikim, ko Ayin se ko Rimon; kweja adi kine köjinö liŋ a merya murek wot buŋwan se ko turön kase.

³³ A köjinö na gwon i dudulet kune gwe a ko Esetaola, ko Sora, ko Asena,

³⁴ ko Tanoak, ko Ene-ganim, ko Tapuak, ko Enam,

³⁵ ko Yarmut, ko Adulam, ko Soko, ko Ajeka,

³⁶ ko Sarayim, ko Aditayim, ko Gedera se ko Gederota-yim; kweja adi kine a köjino puök wot iŋwan se ko turön kase.

³⁷ ko Senan, ko Kadasa, ko Migedala-gada,

³⁸ ko Dilan, ko Misepe, ko Yoketele,

³⁹ ko Lakisa, ko Bosekat, ko Egelon,

⁴⁰ ko Kabon, ko Lakemam, ko Kitelisi,

⁴¹ ko Gederot, ko Bete-dagona, ko Nama, se ko Makeda; kweja adi kine a köjinö puök wot buker se ko turön kase.

⁴² Ko Libina, ko Eter, ko Asan,

⁴³ ko Yipetak, ko Asena, ko Nesiba,

⁴⁴ ko Keila, ko Akejiba, se ko Maresa: kweja adi kine a köjino buŋwan se ko turön kase.

⁴⁵ Ko Ekron ko köjinö kanyit se ko turön kanyit;

⁴⁶ suluja Ekron tojo ko tor duma na ’balaŋ, kine liŋ gwon i swöt lo Asadoda se ko turön kase.

⁴⁷ Ko Asadoda, ko köjinö kanyit se ko turön kanyit; ko Gaja ko köjinö kanyit se ko turön kanyit tojo ko kare lo Ejipeto, ko tör duma na ’balaŋ i kutuk nanyit.

⁴⁸ A köjino na gwon i jur logon a merya gwe a ko Samir, ko Yatir, ko Soko,

⁴⁹ ko Dana, se ko Kiryat-sana (ŋina a Debir,)

⁵⁰ ko Anaba, ko Esetemo, ko Anim,

⁵¹ ko Gosen, ko Kölön, se ko Gilö: kweja adi kine a köjino puök wot geleŋ se ko turön kase.

⁵² Ko Arabe, ko Dumak, ko Esan,

⁵³ ko Yanim, ko Bete-tapuak, ko Apeka,

⁵⁴ ko Kumuta, ko Kiryat-arba (ŋina a Keberon), se ko Sior; kweja adi kine a köjino buŋwan se ko turön kase.

⁵⁵ Ko Maon, ko Karmela, ko Jipi, ko Yuta,

⁵⁶ ko Yejerele, ko Yokedeam, ko Tanoak,

⁵⁷ ko Kain, ko Gibea, se ko Timena: kweja adi kine a köjino puök se ko turön kase.

⁵⁸ Ko Kalekula, ko Bete-sur, ko Gedor,

⁵⁹ ko Marat, ko Bet-anot, se ko Eletekon: kweja adi kine a köjinö buker se ko turön kase.

⁶⁰ Ko Kiryat-bala (ŋina a Kiryat-yarim), ko Raba: kweja adi kine a köjino murek se ko turön kase.

⁶¹ A köjinö na gwon i yöbu gwe a ko Bet-arba, ko Midin, ko Sekaka,

⁶² ko Nibesan, ko Köji na ’Balaŋ, se ko Ene-gedi: kweja adi kine a köjinö buker se ko turön kase.

⁶³ Ama a ŋutu ti Yuda tine bulö riköddu kaŋo ŋutu ti Yebusi lo si ’da Yerusalema kulo; nyena a ŋutu ti Yebusi si ’dani ko ŋutu ti Yuda i pirit na geleŋ Yerusalema yu tojo ko lo lor.