Yona 4 - Bibilia Buk na Ŋun nagon koti luŋu a

Yona a woran ama Ŋun a kapitönit

¹ A kine kulya gwe a narok parik ko Yona, a nye wore woran.

² A nye momo ’yi MATAT a kulyani adi, Böŋo pon MATAT, a ko temakiŋdya köyö i kutuk na gwoŋdi nan köyo i jur nu le? ŋina a kwe nagon nan a nyoŋga wokön Tarasisa; kogwon nan a den adi do a Ŋun kanyaranit ko wowon konyen ko ’di ’diko i woran, ko a jore ko nyaŋu nagon ti ’duddyö kwoŋ, ko lölopuggö i ŋo nagon do konakin i ŋutu.

³ Nyen nio kapo koyö, kogwon a na ’but i twan nio Iwolwoŋ gwon jörun.

⁴ A MATAT pipije adi, Woran a na ’but konut le?

⁵ A Yona lupuŋdye kaŋo i nu köji, a si ’dakine i swöt lo ’yure lo nu köji, a tetenakiŋdye mugun morogo nyu. A si ’dani i tolimöt na ŋinu morogo, tojo ko nye a meddya ko nyo na poŋdya i nu köji.

⁶ A MATAT Ŋun wuluŋdye dulurte adi ti lepeŋ ’duruŋdye ki i muggö na Yona anyen kwe nanyit gwon i tolimöt, anyen parakiŋdya lepeŋ an sala ko ko-lor. A Yona iŋge lyöŋön parik kogwon lu dulurte.

⁷ Ama na bapuŋdye kak i lele lor nu, a Ŋun wuluŋdye kurutyo anyen luluddyö ŋilo dulurte, a dulurte lilikelilik.

⁸ A ko gwe sona na nyeruŋdye kolor nu, a Ŋun wuluŋdye köbunöt lo pape lo swöt lo ’yure, a kolor poŋi ko Yona i kwe a nye darani dara; a nye pipije adi ti nye twane twan, adi, A na ’but i twan nio lwölwöŋ gwon Jorun.

⁹ A ŋun pipije Yona adi, Woran a na ’but konut i kulya ti dulurte le? A nye waddi adi, A na ’but köyö ko nan woran ko woran na twan.

¹⁰ A MATAT kulyani adi, Do a delya kogwon ŋilo dulurte logon do a ko kitaun, kode a ko to ’duŋö lepeŋ, ŋilo dulurte logon a punun i tukwaje geleŋ, a iŋge lilikara i tukwaje geleŋ.

¹¹ A nan ködyö tine won konyen ko Ninewe le nagon a köji duma, na gwon ko ŋutu lwölwöŋ alipan mia geleŋ ko merya murek, logon ti kurun kulya, logon ko toro ’bo jore le?