Yona 3 - Bibilia Buk na Ŋun nagon koti luŋu a

Ŋutu ti Ninewe a löpuggö töilyet

¹ A kulyaet lo MATAT poki ko Yona dari tomurek adi,

² ŋine ki, iti i köji duma nagon a Ninewe, ko tuköki ŋutu kanyit lore logon nan a takin do lo.

³ A Yona pine ki a iti Ninewe, gwoso na saŋi MATAT na. Ninewe a köji duma parik nagon wöjö nanyit suluja i lele swöt tojo i lele swöt joŋga perok musala.

⁴ A Yona suluje lupö i nu köji lukata, a iŋge wörö lor geleŋ. A nye laije adi, Yoŋgi perok merya iŋwan, a Ninewe mo söpuköni söpukö!

⁵ A ŋutu ti Ninewe iŋge yubbö ŋun; a se laikiŋdye adi ti ŋutu miŋdye miŋdya, a se jupukiŋdye boŋgwat terekesi, suluja i nutu kase lokukwön tojo i lo ’di ’dik.

⁶ A lore iŋge ’dur ko mor lo Ninewe yu, a nye pine ki kanyit i si ’daet, a rösöddi boŋgo nanyit kaŋo, a jupukiŋdye boŋgo tereket, a nye si ’dakine i ku-rök.

⁷ A nye tiŋdi layiet anyen jamaki i kiden na ŋutu liŋ ti Ninewe adi, Nan mor se ko temejik kwe a saŋu adi, Ti lele ŋuto kode turu ’buti, kode teŋ na kisuk, kode na yidin gwe ti ’de ’deŋdya nene ŋo; ti se gwe ti nyesu, kode möju pioŋ,

⁸ ama ti ŋutu se ko toro ’bo jupuni boŋgwat terekesi, ko ti se gwiki ko ŋun go; iŋkoi, ti ŋutu liŋ löpukuŋdye kaŋo i kikolin kase lorok ko i konesi kase naŋon na kon se kune.

⁹ ŋa logon deden kode ŋona ŋun lölöpuggö, a woripuŋdye kaŋo i woran nanyit na pape anyen yi gwon ti twatwa nu?

¹⁰ A Ŋun ko meddi konesi kase, gwoso na lopukuŋdye se kaŋo i kikolin kase lorok nu, a ŋun lopukuŋdye kaŋo i ŋo naron nagon nye a kulyari adi nye mo kokonakin se na; a nye gwe a ko kon.