Yona 2 - Bibilia Buk na Ŋun nagon koti luŋu a

Yona pupurja MATAT

¹ A Yona momo ’yi MATAT ŋun lonyit ko sumuti i pele adi,

² Nan a luŋgu do MATAT i gwon nio i nagusu, a do iŋge nyoŋ nan; nan a gwiun kaŋo i pele na sumuti i pirit na muloko kak yu, a do iŋge yiŋ gworo lio.

³ Do aje gubakin nan i togulu na pioŋ, tojo i toili lo toron, a pioŋ iŋge mulukin nan kiden, yala lo pioŋ kunok liŋ se ko yalesi kunok liŋ nagon a köŋutö aje muluja nan.

⁴ A nan kulyani adi, Nan a riköji kaŋo konut i komor; a nan mo koti mete kadi inot nake ada?

⁵ A pioŋ iŋge mulukin nan kiden tojo i murut, a nan gwe i kiden na togulu na pioŋ; a doru lo gwon i pioŋ kata lo aje torakiŋdya kwe nio

⁶ i pipilesi ti merya. Nan a tu kak i jur logon tokowesi kanyit kinuru nan asut lu; ama a do nyokuŋdye nan ki jorun i nu dili pon MATAT ŋun lio.

⁷ Na darari kodududwo nio koyo lukata nu, a nan yiyiuŋdye do pon MATAT; a momolesi kwe ’duröki konut i komor i kadi inot nake lukata.

⁸ Ŋutu logon yeyeju nyomuejin kana kulo lepeŋat aje ko ’yu twoju nagon a gwak.

⁹ Ama a nan mo ’duŋokiŋdye do rubaŋga ko kulyaesi pupuresi; a nan mo konakiŋdye do ŋo nagon nan a milyekin do na. Do MATAT a Kalwokonit!

¹⁰ A MATAT saŋi sumuti, a ŋilo sumuti jauŋdye Yona kaŋo i kak nateyon.