Yoele 3 - Bibilia Buk na Ŋun nagon koti luŋu a

MATAT ’du ’duŋökin kulya ti jurön kulya narok

¹ Kogwon mete, i kiden na kilu perok ko i ŋinu diŋit na nyokuŋdye nan ŋutu ti Yuda ko ti Yerusalema kaŋo i to ’dupien nu,

² a nan mo momoruŋdye jurön liŋ, a mo joŋdi se kak i pirit na ’dir na Yosepata, a nan mo ’duŋokiŋdye putet nyu kogwon kulya ti Yisaraele logon a ŋutu kwe lomoriot, kogwon se a torekin lepeŋat i kiden na jurön, a iŋge kökörö jur lio.

³ A lepeŋat iŋge gumbe ŋutu kwe guralan, lepeŋat aje tikin ŋwajik lyan a ropesi ti kawutejin, ko a tugwöŋu ŋwajik kö ’disi anyen se moji binyo.

⁴ Do Turo ko Sidona se ko turon lio ti Pelesete, ta a nyo köyö ni? Ta ŋona bubulo ropakiŋdya nan i kulya ti ŋo nagon nan aje kon kune le? A ko ta roropakin nan, kolumbö a nan mo toyi-tökiŋdye po na kon ta kune kasu i kusik ’de ’de adi wulek.

⁵ Kogwon ta aje ’du-maddu pödö kwe se ko dakap kwe, a ta aje ’dokoro kaŋo tukworienjin kwe na gwöro go a tiŋdi se i lukata na kadijik ti ŋunyen kasu.

⁶ Ta aje tugworokin ŋutu ti Giriki ŋutu ti Yuda ko ti Yerusalema, a toyuoddi lepeŋat pajo ko lokökorit lo jur lose.

⁷ Ama soŋinana nan de totoŋi lepeŋat i kö ’yu na piritön nagon ta a tugwöŋi lepeŋat kata kunu, a nan mo toyitökiŋdye ŋo na kon ta kune kasu i kusik.

⁸ A nan mo tugwö-rökiŋdye ŋwajik kasu lyan se ko nawate i könisi ti ŋutu ti Yuda, a lepeŋat mo tugwörökiŋdye ŋutu ti jur lo Sabea lo gwon pajo kulu; kogwon nan MATAT aje jambu.

⁹ Layiara ta kune kulya i kiden na jurön, adi, Teteŋdi ta ’borik anyen tu i morö; topije ta ŋutu walan. Ti ŋutu lio kamorök momoruŋdye i pirit na geleŋ, ti lepeŋat rumara i morö.

¹⁰ Niddye ta kolya kasu a baŋdujin, niddye ta walya kasu ŋeresi a goro; ko ti ŋuto logon ’bak riŋit kulyani adi nye a ŋuto wa.

¹¹ Ta juron lio lo didiŋö, poŋdi ta ’de ’de, momoruŋdye ta i pirit na geleŋ. (Sonyoddi ŋutu kulök walan kak pon MATAT!)

¹² Ti juron lio purwene purwe, ti lepeŋat iti i pirit na ’dir na Yose-pata, kogwon nan mo si ’daki i ’duŋgo na putet lo juron lio lo didiŋo nyu.

¹³ Suluje ta ŋepa kogwon kinyojin aje yoŋe. Luponi ta kata i ryogga na ludweki ti binyo, kogwon pirit ryoket aje tojore. A piritön ’delesi iŋge baraŋdu, kogwon toronjin jore parik ti gweyajin ti ŋutu.

¹⁴ Lödirön ti ŋutu jore parik lwölwoŋgu gwon kata i pirit na ’dir liliet na kulya. Kogwon lor lo MATAT gwe nyona ko po i pirit na ’dir liliet na kulya.

¹⁵ A kolor ko yapa iŋge tomuswe a kaser tine kobbu.

ŋutu ti Yuda a lwöko

¹⁶ A MATAT maraogi Siona yu, a gworo lonyit woŋe Yerusalema, a ki ko kak yeyeti yeyeta. Ama a MATAT gwe a pirit ’danaet na ŋutu kanyit, iŋkoi, lepeŋ a piro nago na titiyu a na ŋutu ti Yisaraele.

¹⁷ Nyena a ta mo deŋdi adi nan a MATAT ŋun losu, nan si ’da i mere lio loke Siona. A Yerusalema mo gwe a nake, a ŋutu lepelok mo köti tine lwöpöddu kata kwöŋ.

¹⁸ A i ŋilu lor a merya mo ’bukun-dye binyo na paleleŋ, a lurwat mo ’doke ’dokon a le, a luruki lio ti Yuda mo ’buŋge a piŋo. A piŋo mo leleku köyö i kadi na MATAT a popoggi pirit na ’dir na Sitim.

¹⁹ A Ejipeto mo worani a yöbu na sese, a Edom gwe a yöbu kana, kogwon ŋonyan nagon se a kona-kin ŋutu ti Yuda na, kogwon lepeŋat a ’buggö rima na mamaŋa kase i jur.

²⁰ Ama a Yuda mo si ’darikin si’darikin ŋupi, a nyakwariat liŋ mo si ’dani Yeru-salema.

²¹ A nan mo ropakiŋdye rima kase, a mo tine kurun katoronyak adi se a loke. Kogwon nan MATAT si ’da Siona.