Yoele 2 - Bibilia Buk na Ŋun nagon koti luŋu a

¹ Kute ta toriot Siona yu; kute ta toriot sorosi i loki na mere lio loke lo rurwan; ti ŋutu liŋ ti jur boŋdi böŋdu kogwon lor lo MATAT popo,

² inkoi, lor logon a mudwe ko a lurwo ŋilo gwe nyona, ŋilo lor a lo ’dikolo ko a lo mudwe logon adi ’dii! Lodir duma lo merok iŋgo ti riŋiton a muk merya gwoso mudwe, a tojore nase gwoso ŋina gwe a ko meta sona koju ’beron, a mo koti tine meta sona i kulye nyakwariat liŋ ti kiŋajin lo popo.

³ Kimaŋ tutuloro kase ŋerot, a ŋedep lo kimaŋ nyore nyoran kase i mukok. Kase ŋerot a kak gwe gwoso melesen na Edene, ama kase i mukök a kak kölökine kana, a nene ŋo gwe ’bayin nagon lepeŋat a pitun.

⁴ Meta nase gwoso kusanjin, a se wöwökine gwoso kusanjin ti gor.

⁵ A se lalabara i kusik ti merya, a woŋon nase gwe gwoso arabiajin lo jijiko ti gor, ko gwoso woŋon na kimaŋ na ’yuŋa kuku, a meta nase gwe gwoso kamörök ti riŋit logon ’dakakir i moro.

⁶ A gweyajin ti ŋutu gwe ko delya i nerot nagon se a ko nyuŋ po, a komorsikan kase liŋ worani ka ’de.

⁷ A se woki nerot gwoso ŋutu walan kamörök, a se kije goroma gwoso ŋutu ti gor, a se lio geleŋ geleŋ iti gwogwo a kikolin, a se tine girara kaŋo kase i kikolin.

⁸ A se tine toduk ko ’borik, se liŋ geleŋ geleŋ tu gwogwo kase i kikolin, a se gwuöddi i kiden na tito logon gubarikin se kulo, a tine gwo ’dan i tu nase.

⁹ A se lalabara i köji lukata, a wowokine i loki na goroma nagon a mariŋan, a kiyaddi i kadijik lukata, a se luponi i kwilisesi gwoso kolak.

¹⁰ A kak böböŋdi boboŋdu kase i komor, a ’dikolo yeyeti yeyeta. A kolor ko yapa iŋge tomuswe, a kaser tine kobbu.

¹¹ A MATAT maraŋgi ko gworo lonyit i ŋerot na ŋutu kanyit kamorok, kogwon teŋ nanyit na kamorok a duma parik, lepeŋ gwon ko riŋit a duma i koŋdya na kulya kanyit. Kogwon lor lo MATAT a duma ko kukujonorikin parik, ŋa logon jojo ŋoŋga ŋilu lor?

MATAT a won konyen ko ŋutu kanyit

¹² Ama MATAT lo kulya adi, Ma ’di soŋinana yitwene ta köyö ni ko toilyet kasu liŋ, ko miŋdya, ko gwien ko delya; kekereŋdi ta toilyet kasu ti gwon a boŋgwat kasu,

¹³ Yitöni ta ko MATAT ŋun losu yu, kogwon lepeŋ a kanyaranit ko wowon konyen, ko ’di ’diko i woran, ko a jore ko nyaŋu nagon ti ’duddyo kwoŋ, ko lolopuggo i ŋo nagon nye kona-kin i ŋutu.

¹⁴ ŋa lo deŋdya kode ŋona nye koti mo lolopuggo i ŋo nagon konaki i ŋutu, a kolokiŋdye ’boriet kanyit i mukok? ŋina ’boriet a jukin i ’dokesi ti ’bolot se ko rubaŋgajin ’bu ’buke-si logon wuki MATAT ŋun losu.

¹⁵ Kute ta toriot Siona yu; laije ta lor minyet loke; luŋgi ta ŋutu i momoret duma;

¹⁶ momore ta ŋutu i pirit na geleŋ, laije ta momoret duma; tuŋdye ta ŋutu temejik, momore ta ŋwajik ma ’di lupudiet lo nonoggu. Ti ŋuto logon pete yemba koloki kadi nanyit, ko ti nye nagon pete yema na koloki kadi nanyit.

¹⁷ Ti koanejin lo kitakiŋdya MATAT kulo gwine gwien i kiden na baraŋöa na kadi na ŋun ko pirit ’yuret na rubaŋgajin, adi, Pon MATAT, won konyen ko ŋutu kulok, an do ko tin ŋutu kulok lomoriot i ’dö ’döyö, ko a giriset i kiden na juron. Ko nyo gweyajin ti ŋutu kodyo pi-pija adi do ŋun likaŋ liya?

¹⁸ A kirut MATAT gwe ko pusok i parakiŋdya na jur lonyit, a won konyen ko ŋutu kanyit.

¹⁹ A MATAT waddi ŋutu kanyit adi, Mete ta, nan susunyukin ta ’bolot, ko binyo, se ko welet, a ta mo yimononi yimönö, a nan mo koti tine tiŋdu ta i ’do’doyo kwoŋ i kiden na juron.

²⁰ Nan mo totoyuoro merok lo po i swot lo lobot pajo ko ta, a mo rikoddi se i jur loteyon logon nene ŋo ’bayin kata, a kanyomok kase mo riköjine i tor na ’yure, a katutunak kase riköjine i tor na tokotyaŋ; a ’burolon kase mo mone a narok parik, kogwon se aje koŋdya ŋo temejik.

²¹ Do jur, an do ko kujono; lyoŋi lyoŋon ko nyolani nyola, kogwon MATAT aje koŋdya ŋo temejik!

²² Ta kijakwa ti mu ’diŋ, an ta ko kujono ta, kogwon piriton yukisi na gwon i yobu kune gwe a leme; a kaden rade ludweki, kaden ti ki ’biet ko ti binyo raradan ’bura.

²³ Ta ŋutu ti Siona, lyoŋi ta lyoŋon, ko nyolani ta nyola ko MATAT ŋun losu; kogwon nye aje tiŋdu ta kudu lo kiser logon tetemakiŋdya, nye aje to ’dukiŋdyo ta kudu duma parik, kudu lo kiser se ko lo ’dutet, gwoso na koju nu.

²⁴ A piriton gwutesi ti ’bolot mo jorene jore ko ’bolot, a binyo se ko welet mo baraŋdi ba-raŋdu i piriton ’delesi.

²⁵ A nan MATAT mo nyokokiŋdye ta kinyojin logon kamorok kwe jore a nyo i kilo kiŋajin kulo. Teŋ nio duma na kamorok nagon nan a son kasu kiden na a mayat na wörö i pirit na geleŋ, ko mayat soso ’diöt, ko mayat kakorok, se ko mayat kanyuok kune.

²⁶ Ta mo nyenyesu a duma a yimönöni yimönö, a pupurje karin kwe ti MATAT ŋun losu, logon a konakiŋdya ta ŋo sorösi. A ŋutu kwe mo köti tine toyuö kusik kwöŋ.

²⁷ A ta mo deŋdi adi nan kata i kiden na Yisaraele, koti adi nan a MATAT ŋun losu, a lele gwe ’bayin köti. A ŋutu kwe mo köti tine toyuö kusik kwoŋ.

ŋun ’bukökiŋdyö mulökötyo lonyit i ŋutu

²⁸ A mo gwe sona i mukok na kine kulya, adi nan mo ’bukökiŋdyo mulökötyo lio i ŋutu liŋ; a ŋwajik kasu lulyan se ko nawate mo keŋ keju, a ŋutu kasu muduŋin mo rudweni rudwe, a ŋutu kasu teton mo meddi kulya kase i töilyet.

²⁹ A i kilu perok a nan mo ’bukö-kiŋdye mulökötyo lio ma ’di i ’dupi lyan se ko nawate.

³⁰ A nan mo kweji po sörösi ki yu ko i kak ni, kweja adi rima ko kimaŋ se ko mokosi ti kopurot.

³¹ A kolor mo löpuŋge a mudwe, a yapa mo worani a rima i ŋerot na poŋdi lor lio lo MATAT nu, ŋilu lor a duma ko a kujönoet.

³² A mo gwe sona adi, ŋutu liŋ lo luŋgu karin kwe ti MATAT kilo mo lwölwökö. Kogwon lwökt kata i mere Siona a na ŋutu logon a rwoddu kilo, gwoso na jambi nan MATAT na, a i Yerusalema a nan MATAT mo luŋgi ŋutu i se logon a pituŋdyö kilo.