Yoele 1 - Bibilia Buk na Ŋun nagon koti luŋu a

Mayat a köŋu jur

¹ Kilo a kulyaesi ti MATAT lo pokin ko Yoele ŋuro lo Petuele.

² Adi, Ta ŋutu muduŋin, yiŋge ta kune kulya, ta ŋutu liŋ lo si ’da i jur, tiŋdi ta swo i yiŋga! Nene ŋo gwoso ŋina ŋona koju a pukun i perok kasu kode i perok ti komunyi le?

³ Tamaki ta ŋwajik kasu kine kulya, ko ti ŋwajik kasu nyönyököki ŋwajik kase, ko ti ŋwajik kase nyönyököki kulye nyakwariat.

⁴ ŋo nagon mayat kanyuok a pitun kune mayat na woro i pirit na geleŋ aje nyo, ŋo nagon mayat na woro i pirit na geleŋ a pitun kune mayat soso ’diöt aje nyo, a ŋo nagon mayat soso ’diöt a pitun kune mayat kakorok aje nyo.

⁵ Ta ŋutu kamerak, purwene ta purwe, ko gwine ta gwien; ta ŋutu liŋ logon a kamatak ti binyo, luluje ta lulujö kogwon binyo na paleleŋ, kogwon ta mo tine waŋ se.

⁶ Kogwon lele jur a lo i moro ko jur lio, a lo riŋit ko ti bulo kena, kala kase gwon gwoso ti komiru, lili kase gwoso ti komiru nanakwan.

⁷ A se iŋge kor ludweki kwe ti binyo, a ’be ’beleŋgi kaden kwe ti ki ’bi, a se iŋge ’bo ’bok ka ’boŋgo ti kilo kaden a dukakiŋdye se kak; a kenia kase kölökine a nakwe.

⁸ Luluje ta gwoso ŋuro ’diet nagon a doggu mugun ko boŋgwat terekesi, na delyarikin lalet lonyit lo tuko ’di-sen.

⁹ ’Dokesi ti ’bolot se ko rubaŋgajin ’bu ’bukesi aje ’duddyo i kadi na MATAT. A koanejin lo kitakiŋdya MATAT iŋge delya.

¹⁰ Meleseno aje koro, a kak iŋge delya kogwon ’bolot aje koro, a binyo luduko gwe ’bayin a welet iŋge lilikara.

¹¹ Ta kakuruk, delyani ta delya, ta ŋutu katetenak ti kaden ti binyo, luluje ta lulujö kogwon ’bolot se ko ’bolot saora, kogwon meleseno a ko radan ludweki.

¹² Kaden ti binyo aje nopara, a kaden ti ki ’bi iŋge riŋon. Kaden ruman ko tomur ko maŋga, kweja adi kaden liŋ ti meleseno aje lilikara, a ŋutu gwe ’bayin lo lyolyoŋon.

¹³ Ta koanejin, doggi ta ’borik ko boŋgwat terekesi, ko jojoggi ta kidoni kasu ko delya, ta kakitak lo kita i pirit ’yuret na rubaŋgajin, luluje ta lulujö. Ta kakitak lio ti Ŋun lio, luponi ta kadi, gwe ta ko boŋgwat terekesi i tukwaje lio! Kogwon ’dokesi ti ’bolot se ko rubaŋgajin ’bu ’bukesi a ko jwe i kadi na Ŋun losu.

¹⁴ Wuluŋdye ta lor minyet, luŋgi ta ŋutu i momoret duma, momori ta ŋutu temejik se ko ŋutu liŋ ti jur anyen momo-ruŋdya i kadi na MATAT ŋun losu; ko gwiki ta ko MATAT.

¹⁵ Woidio ŋilu lor! Kogwon lor lo MATAT gwe nyona ko po, nye a lor tukaret logon Kabulönit lo ŋo lio lo sunyuŋdyo.

¹⁶ Kinyo ŋona a ko likin kayaŋ i konyen? Lyoŋon se ko nyola a ko ’duddyo i kadi na ŋun likaŋ le?

¹⁷ Nyomot teteyon i kujoŋ, a kadijik ’delesi gwe a murwoki. a gugwo iŋge koŋu kogwon ’bolot ’bayin.

¹⁸ Kijakwa wuwuŋi parik! Teŋon ti toro ’bo wiwirto kogwon se ’bak leme; ma ’di tenon ti yidin ŋoŋoŋga.

¹⁹ Nan gwikin konut pon MATAT, kogwon kimaŋ aje ’yur piriton yu-kisi na gwon mu ’diŋ, a ŋedep lo kimap iŋge ’yur kaden liŋ ti yobu.

²⁰ Ma ’di kijakwa ti mu ’diŋ gwikin konut kogwon luruki ti piŋo aje ’bija, a kimaŋ iŋge ’yur piriton yukisi na gwon mu ’din.