Yoane 8 - Bibilia Buk na Ŋun nagon koti luŋu a

Ŋuto nagon a moka i lupö

¹ ama a Yesu iti i Mere lo Jeitun.

² A kotumalu ’beron a nye köti poŋdi i Kadi na Ŋun. A ŋutu liŋ poŋdi kanyit ni; a nye si ’dakine kak a poki i todiŋdyö na se.

³ A katodinök ti Saresi ti Mose se ko Parusijin joŋdi nene ŋuto nagon a moka i lupö. A se tiŋdi lepeŋ i gwo ’dan ko ŋutu kiden,

⁴ a se kulyani ko lepeŋ adi, Katodinönit, na ŋuto a moka i ŋinu diŋit gwak nagon nye lulupörikin.

⁵ Mose a sarakiŋdya yi i Saresi adi, ti yi gube gum ŋuto gwoso ŋina ko ŋurupö tojo a twan. A do ŋilo kulyani ada?

⁶ Lepeŋat jambu kine kulya ’dek möŋu lepeŋ anyen se jambu adi lepeŋ a koŋdya arabat. Ama a Yesu dulakine kak a wuŋe kak ko morinet.

⁷ A na gwoŋdi se nyuŋ i pipija na lepeŋ nu, a lepeŋ riuŋdye mugun ki, a kulyani ko se adi, Ko lele losu kata logon ’bak toron ti nye sulune gumba lepeŋ ko ŋurupit.

⁸ Köti a lepeŋ dulakine kak a wuŋe kak ko morinet.

⁹ A na yiŋge se kine kulya nu, a se ’doddi ’börik kaŋo geleŋ geleŋ, suluja i ŋuto logon aje golon tojo ko ’dutet, a Yesu kölökine geleŋ se ko ŋuto na nyuŋ gwogwo ’dan.

¹⁰ A Yesu riuŋdye mugun ki, a pije adi, Do ŋina ŋuto, kuliya ŋutu kulo? Ŋuto ’bayin lo ’duŋökiŋdyö kulya kunök le?

¹¹ A ŋuto na waddi adi, Ŋuto ’bayin pon duma liŋ. A Yesu kulyani adi, Ma ’di nan lo köti ti ’duŋökin do putet. Iti, an do ko koŋdya nene toron köti kwöŋ.]

Yesu a parara na ŋutu ti na kak

¹² A Yesu köti kulyani ko ŋutu kulo adi, Nan a parara na ŋutu ti na kak. Nye logon kebbu nan lo ti wörö i mudwe kwöŋ, ama lepeŋ gwon ko parara toruet.

¹³ A Parusijin kulyani ko lepeŋ adi, Do tökoŋu kulya kunök. ŋo na tokor do kine ’bayin a gwak.

¹⁴ A Yesu waddi adi, Ma ’di ko nan tökoŋu kulya kwe, a ŋo na tokor nan kune gwe a gwak, kogwon nan deden ko nan po ya, köti ko nan tu da; ama ta ti den ko nan po ya kode tu da.

¹⁵ Ta lilija gwoso na lilije ŋutu ti na kak kulo na; nan ti lilija kulya ti lele ŋuto.

¹⁶ A ko ködyö nan lilija kulya, a lilija nio ködyö gwe a gwak, kogwon nan ti gwon geleŋ i lilija. Ŋun Monye lo sunyuŋdyö nan lo gwon ko nan i pirit na geleŋ.

¹⁷ A wurö kasu i Saresi adi, Ko ŋutu murek lo tökoŋu kulya a tökoresi kase gwe a gwak.

¹⁸ Nan nye lo lo tökoŋu kulya kwe lo, a Ŋun Monye lo sunyuŋdyö nan lo tokoŋ kulya kwe.

¹⁹ A se pije lepeŋ adi, A liya Munyi? A Yesu waddi adi, Ta ti den nan ma ’di Baba. Ko ta ködyö a den nan, a ta ködyö köti deden Baba.

²⁰ Yesu jambu kilo kulyaesi i pirit nagon ’dokesi guba kata, na todiŋdye nye i Kadi na Ŋun nu, ama a lele ŋuto gwe ’bayin lo morga lepeŋ, kogwon diŋit nanyit nyuŋ a ko po.

Ta ti bulo tu i pirit nagon nan tu kata nu

²¹ Köti a Yesu takiŋdye lepeŋat adi, Nan mo tutu, a ta mo ga ’yi nan, ama ta mo twatwa i toronjin kasu. Ta ti bulö tu i pirit nagon nan tu kata nu.

²² A Yudayaki pije ’börik adi, Lo ŋuto ’dek tatuja mugun, na kulyari nye adi, Ta ti bulö tu i pirit nagon nan tu kata nu le?

²³ a Yesu jamakiŋdye lepeŋat adi, Ta a ti na kak, ama nan a lo ki. Ta a ŋutu ti na kak, ama nan ’bayin a lo na kak.

²⁴ ŋina a kwe nagon nan takiŋdye ta adi ta ködyö twatwa i toronjin kasu; kogwon ko ta a ko yuŋ adi nan nye lo, a ta mo twatwane i toronjin kasu.

²⁵ A se pije lepeŋ adi, Do a ŋa? A Yesu waddi se adi, Nan nye lo logon nan aje takin ta i suluet lo.

²⁶ jore kata nagon nan jajam ko ’du ’duŋökin i kulya kasu. Ama lepeŋ lo sunyuŋdyö nan lo a ’diri, a nan tukökiŋdye ŋutu ti na kak ŋo nagon nan yiŋun ko lepeŋ kune.

²⁷ A se gwe a ko kurun adi lepeŋ jambu ko se i kulya ti Monye.

²⁸ Nyena a Yesu kulyani ko se adi, Na ’bilikindye ta nan Ŋuro lo ŋuto ki nu, a ta mo dene den adi nan nye lo, a ta mo deŋdi adi nan ti koŋdya nene ŋo nagon a nio, ama nan jambu kine kulya gwoso nagon Baba aje todinikiŋdye nan nu.

²⁹ Nye lo sunyuŋdyö nan lo gwon ko nan i pirit na geleŋ. A lepeŋ gwe a ko kolökin nan geleŋ, kogwon nan ŋupi koŋdya ŋo nagon tulyöŋgu lepeŋ.

³⁰ A na jambi nye kine kulya nu, a ŋutu jore yubbe lepeŋ.

Ŋutu logon a lui ko logon a ’dupi

³¹ A Yesu kulyani ko Yudayaki logon aje yubbö nye kulo adi, Ko ta yeŋon gwolor i kulya na jamakin nan ta kune, a ta ’diri gwe a ŋutu kwe kajujumuk,

³² a ta mo dene den to ’diri, a to ’diri mo yukuŋdye ta kaŋo.

³³ a se waddi adi, Yi a nyakwariat ti Abarayama, yi kwöŋ a ko gwon a ’dupi ti lele ŋuto. Nyo do kulya adi, Ta mo yuyukwe?

³⁴ A Yesu waddi lepeŋat adi, ’Diri ’diri nan takiŋdya ta adi, ŋutu liŋ lo koŋdya toronjin kilo a ’dupi ti toronjin.

³⁵ ’Dupiet ti gwon a lo mede ŋupi, ama ŋuro a lo mede ŋupi.

³⁶ A ko nan Ŋuro yuyukun ta, a ta ’diri mo gwe a lui.

³⁷ Nan a den adi ta a nyakwariat ti Abarayama; ama ta ga ’yu tatuja nan, kogwon kulyaet liŋ a ko ryö pirit kasu i töilyet.

³⁸ Nan jambu ŋo nagon nan aje met ko Baba kune; ama a ta koŋdi ŋo nagon ta aje yiŋun ko munyi kune.

³⁹ A se waddi lepeŋ adi, Abarayama a monye likaŋ. A Yesu kulyani ko lepeŋat adi, Ko ta ködyö a ŋwajik ti Abarayama, a ta ködyö koŋdi ŋo na kon Abarayama köju kunu.

⁴⁰ Ama soŋinana ta ga ’yu tatuja nan, nan ŋuto logon aje takiŋdya ta kulya ’diri na yiŋun nan ko Ŋun kune. Abarayama a ko koŋdya ŋo gwoso ŋina.

⁴¹ Ta koŋdya ŋo nagon munyi kökon. A se waddi lepeŋ adi, Yi a ko yuŋwe ko lepelok; yi gwon ko Monye geleŋ logon a Ŋun.

⁴² a Yesu kulyani ko lepeŋat adi, A ko ködyö Ŋun a Munyi, a ta ködyö nyanyar nan, kogwon nan pukun ko Ŋun, nan a po ni ko lepeŋ yu. Nan a ko po ko kulya kwe ti mugun, ama lepeŋ lo sunyuŋdyö nan.

⁴³ Nyo ta ti kurun ŋo na jam nan kune? Ta ti kurun kogwon ta ti bulö yiŋga ŋo na jam nan kune.

⁴⁴ Munyi a ŋilu kaŋöönit, a ta koŋdi ŋo nagon munyi ’de ’dekan koŋdya. Suluja i suluet lepeŋ a katatuanit, a lepeŋ tine gwi ’dikin i to ’diri, kogwon lepeŋ ’bak to ’diri. Na jambi nye ’burönö na, a nye jambi gwoso na gwoŋdi nye a ’burönit na, kogwon nye a ’burönit ko a monye ’burönö liŋ.

⁴⁵ Ama nan jambu to ’diri, nyena a ta tine yuŋ nan.

⁴⁶ Lon losu logon bubulö joŋga nan i putet anyen tokurukiŋdyö adi nan a koŋdya toron? Ko nan jambu to ’diri a kirut nyo ta ti yuŋ nan?

⁴⁷ Ŋuto logon a lo Ŋun lo yiŋga kulyaesi ti Ŋun; nyena kwe nagon ta ti yiŋ se na kogwon ta ’bayin a ti Ŋun.

Yesu jambu kulya ti Abarayama

⁴⁸ A Yudayaki waddi Yesu adi, Yi a kulya ’bura adi do a Samariatyo a do gwe ko mulökötyo loron, ti gwon sona le?

⁴⁹ A Yesu waddi adi, Nan ’bak mulökötyo loron, ama nan bubu Baba, a ta lauŋdye nan.

⁵⁰ Nan ti ga ’yu bu ’ya mugun; lele kata lo ga ’yu bu ’ya nan a lilije kulya kwe.

⁵¹ ’Diri ’diri nan takiŋdya ta adi, ko ŋuto logon a ’dep kulyaesi kwe lepeŋ mo ti waŋ twan kwöŋ.

⁵² A Yudayaki kulyani ko lepeŋ adi, Soŋinana yi aje kurun adi do gwon ko mulökötyo loron. Abarayama aje twan, nebijin köti aje twatwa, ama a do kulyani adi, Ko ŋuto logon a ’dep kulyaesi kwe lepeŋ mo ti waŋ twan kwöŋ.

⁵³ Do a duma lwölwöŋ Abarayama monye likaŋ logon köju aje twan lo? Nebijin köti aje twatwa. Do kon mugun a ŋa?

⁵⁴ a Yesu waddi adi, Ko nan bu ’ya mugun, a ŋina bu ’ya nio na mugun gwe a ŋo kana. Baba logon ta kulya adi lepeŋ a Ŋun losu lo, lepeŋ lo bu ’ya nan.

⁵⁵ Ta a ko den lepeŋ, ama nan deden lepeŋ; ko nan ködyö a kulya adi nan a ko den lepeŋ a nan ködyö gwe a ’burönit gwoso ta, ama nan deden lepeŋ a nan ’debbi kulyaesi kanyit.

⁵⁶ Monye losu logon a Abarayama köju a lyöŋön i meddya na lor liŋ; nye a met a nyolani nyola.

⁵⁷ a Yudayaki pije lepeŋ adi, Do nyuŋ a ko ’dur kiŋajin merya mukanat, do a met Abarayama le?

⁵⁸ A Yesu waddi lepeŋat adi, ’Diri ’diri nan takindya ta adi, I ŋerot nagon Abarayama a ko yuŋwe nu, a nan gwe kata.

⁵⁹ A se ’du ’dumbe ŋurupö anyen gugubuje lepeŋ, ama a Yesu ’de ’yi mugun, a lupundye kaŋo i Kadi na Ŋun.