Yoane 2 - Bibilia Buk na Ŋun nagon koti luŋu a

Budu yemet kata Kana yu

¹ A i lor tomusala lonyit a buduyemet gwe kata Kanana Galilaya, a ŋote Yesu gwe nyu.

² A Yesu se ko nutu kanyit kajujumuk kulo köti iŋge luŋu i budu yemet.

³ A nagon binyo aje ’baka nu, a note Yesu kulyani ko lepeŋ adi, Lepeŋat gwe ’bak binyo.

⁴ A Yesu pije adi, Yaŋgo, kulya kunok ada köyö? Diŋit nio a ko nyuŋ po.

⁵ A ŋote takiŋdye koliponök adi, Kone ta kon ŋo nagon lepeŋ de tatakin ta kine ko se a nyo.

⁶ Nyena Yudayaki gwon ko keri lalaet. Ko ŋina kwe mu ’dajin buker kata logon a ŋurupo, logon geleŋ ’buggö jolonyon merya murek kode merya musala.

⁷ A Yesu takiŋdye kölipönök adi, Tojorene ta kilo mu ’dajin ko pioŋ. A se iŋge tojore tojo i kutusen.

⁸ Nyena a nye takiŋdye se adi, Soŋinana ’yilu ta kunie, ko jaki ta duma lo budu. A se iŋge joŋ.

⁹ A duma lo budu waŋgi pioŋ nagon aje towora a binyo kune, a tine den ko jwe ya ama koliponök lo ’yiluŋdya pioŋ kulo a den. Nyena a ŋilo duma luogi kayemanit lo,

¹⁰ a kulyani ko lepeŋ adi, Yeŋ binyo na pötwör na kora a kokwe, ama i mukok nagon kömu aje memeri nu a binyo na pötö na jweni; ama do aje ’de ’ya binyo na pötwör tojo ko soŋinana.

¹¹ ŋo nagon Yesu a kon Kana na Galilaya yu nu a kweyet suluet, a nye kwekiŋdye minyo lonyit nyu; a ŋutu kanyit kajujumuk yubbe lepeŋ.

¹² A i mukok na ŋina, a Yesu se ko Ŋote nanyit, ko luŋasirik, se ko ŋutu kanyit kajujumuk lulurara Kaperanauma, a se si ’dani nyu ko perok ku ’dik.

Yesu a tu i Kadi na Ŋun

¹³ A diŋit gwe nyona nagon Yudayaki koŋdi rorwe lo Pasaka, a Yesu iti Yerusalema.

¹⁴ A lepeŋ ryeji ŋutu i Kadi na Ŋun lukata logon tugwöŋu dwönin, ko köbilu, ko gureki, köti ko ŋutu lo lölöpuggö gurut sisi ’da kase i misajin.

¹⁵ A Yesu wiwije patala a kurubat, a rikuŋdye se lio kaŋo i Kadi na ŋun i pirit na geleŋ ko köbilu se ko dwönin, a nye sösöpuŋge misajin ti kalöpukök ti gurut, a totoreji gurut kase.

¹⁶ A nye takiŋdye ŋutu lo tugwöŋu gureki kulo adi, Wusara ta kune Ŋo kaŋo ni; ko kon ta kadi na Baba a pirit gwörit.

¹⁷ A ŋutu kanyit kajujumuk yiyiuŋdye kulyaesi logon a wurö adi, Pusök nio na kadi inot mo totomi nan asut.

¹⁸ A Yudayaki pije lepeŋ adi, Nan kweyet nagon do kwekwekin yi i koŋdya na kine ŋo?

¹⁹ A Yesu waddi lepeŋat adi, Dukaki ta ŋina kadi na Ŋun kak, a nan mo nyöggi ’duggo i perok musala.

²⁰ A Yudayaki kulyani adi, Na kadi aje joŋga kiŋajin merya iŋwan wot buker i ’dukö nanyit, a do kölumbö kulyani adi do bubulö ’duggö nye i perok musala le?

²¹ Ama kadi na ŋun nagon nye jambu kulya kanyit na gwon a mugun nanyit.

²² Nyena a nagon Yesu aje ŋien i twan nu, a ŋutu kanyit kajujumuk kulo iŋge yiyiun adi nye köju aje jam kine kulya; a se iŋge yuŋ kulya ti Ŋun na wurö, se ko kulyaesi logon Yesu aje kulyari kulo.

Yesu a den töilyet ti ŋutu liŋ ’bura

²³ Nyena na gwoŋdi Yesu Yerusalemai rorwe lo Pasaka nu, a ŋutu jore yubbe karin kanyit, na meddi se kweyesi na kon nye kune.

²⁴ Ama a Yesu gwe a ko yinikin mugun i lepeŋat, kogwon lepeŋ deden ŋutu liŋ ’bura,

²⁵ a nye tine ’dekan lele ŋuto tokurukiŋdyö nye kulya ti ŋutu, kogwon nye ko mugun deden ŋo na gwon ko ŋutu i töilyet kune.