Yoane 17 - Bibilia Buk na Ŋun nagon koti luŋu a

Yesu a mumulukiŋdyö ŋutu kanyit kajujumuk

¹ A nagon Yesu aje jambu kilo kulyaesi nu, a nye ’bi ’yi konyen kanyit ki, a kulyani adi, Baba, diŋit aje ’dur; bu ’ye Ŋuro ilot anyen nan Ŋuro böŋö bu ’ya do,

² kogwon do aje tin nan kido saret na ŋutu liŋ, anyen nan boŋö tiŋdu ru na yeŋ nyin i ŋutu liŋ logon do aje tikin nan kulo.

³ Ŋina a ru na yeŋ nyin anyen se deden do logon a Ŋun geleŋ ko a gwak, se ko nan Yesu Kristo logon do aje sunyun lo.

⁴ Nan aje bu ’ya do i na kak kogwon nan aje tutuŋgo kita inot nagon do aje tin nan i koŋdya na.

⁵ Soŋinana pon Baba, tiki nan i bula konut i komor ko bulet nagon nan köju parundya konut a kokwe nagon kak a ko nyuŋ gweya nu.

⁶ Nan aje kwekin karin kunok i ŋutu logon do aje nyumokin nan i na kak kulo ko do a ŋa. Lepeŋat a ŋutu kulök, a do iŋge tin nan se, a se aje ’dep kulyaesi kulök.

⁷ Soŋinana lepeŋat deden adi ŋo liŋ nagon do aje tikin nan kune po konut;

⁸ kogwon nan aje jamakin lepeŋat kulyaesi logon do aje jamakin nan kilo, a lepeŋat iŋge wu se, a lepeŋat iŋge kurun ’diri adi nan po konut yu, a lepeŋat iŋge yuŋ adi do lo sunyuŋdyö nan.

⁹ Nan momo ’yu do kogwon se. Nan ti momo ’yu kogwon ŋutu ti na kak, ama nan pomo ’yu kogwon ŋutu logon do aje tikin nan kulo, kogwon se a ŋutu kulök.

¹⁰ Ŋo liŋ nagon a kwe a kunök, a ŋo liŋ nagon a kunök gwe a kwe, a nan bulani bula ko lepeŋat.

¹¹ Nan soŋinana tine gwon i na kak koti kogwon nan lo iti konut yu, ama se nyuŋ gwon i na kak. Baba loke, ’depe ŋutu logon do aje tin nan kulo ko riŋit na karin kunök, anyen se böŋö gwon a pele geleŋ gwoso na gwoŋdi yi ko do a pele geleŋ na.

¹² Na gwoŋdi nan ko lepeŋat i pirit na geleŋ na nan aje ’dep ŋutu logon do aje tin nan kulo ’bura ko riŋit na karin kunök, a nan iŋge tiju se, a lele lose gwe a ko likin, ama tuŋ ŋuto lo tolikiŋdyö mugun, anyen kulya ti Ŋun na wurö kune böŋo kokona.

¹³ Soŋinana nan lo iti konut yu; a nan jambi kine kulya na gwoŋdi nan nyuŋ i na kak, anyen lyoŋon nio boŋö jojore kase i mugunya.

¹⁴ Nan aje jamakin se kulyaesi kulök, a ŋutu ti na kak mane man se, kogwon se ti gwon a ti na kak gwoso nagon nan ’bayin a lo na kak na.

¹⁵ Nan ti momo ’yu do anyen do joŋ se kaŋo i na kak, ama anyen do tiju lepeŋat ’bura i ŋilo loron.

¹⁶ Lepeŋat ti gwon a ti na kak, gwoso nagon nan ’bayin a lo na kak na.

¹⁷ Gelu se a loke ko to ’diri inot. Kulyaesi kulok a ti to ’diri.

¹⁸ Nan aje son se i na kak gwoso nagon do aje sunyun nan i na kak na.

¹⁹ Nan soŋinana aje gelun mugun kogwon kulya kase anyen se köti gegelwe i swöt lo to ’diri.

²⁰ Nan ti mumulukiŋdyö kulo ŋutu ka ’de, ama nan koti mumulukiŋdyö ŋutu logon mo yubbo nan kogwon kulyaesi kase.

²¹ Boŋo ti lepeŋat liŋ gwe a pele geleŋ gwoso na gwoŋdi do Baba köyo i mugun a nan gwe konut i mugun na, anyen se koti gwon kayaŋ i mugunya, anyen ŋutu ti Lak ni boŋo yuyuŋ adi do lo sunyuŋdyö nan.

²² Bulet nagon do aje tin nan na nan aje tikin lepeŋat, anyen se böŋo gwon a pele geleŋ gwoso na gwoŋdi yi ko do a pele geleŋ na;

²³ a nan gwe kase i mugunya, a do gwe köyö i mugun, anyen se ’diri gwon a pele geleŋ, anyen ŋutu ti kak ni boŋo deden adi do aje sunyun nan, a do iŋge nyar se gwoso na nyaŋi do nan na.

²⁴ Baba, nan ’de ’dekan adi ti kulo ŋutu logon do aje tin nan kulo boŋö gwe ko nan i pirit na gwoŋdi nan na, anyen se boŋö memet bulet nio nagon do aje tikin nan na, kogwon do aje nyar nan a kokwe nagon kak a ko nyuŋ gweya nu.

²⁵ Pon Baba lo ’but, ŋutu ti kak ni a ko den do, ama nan a den do, a kulo ŋutu iŋge den adi do lo sunyun-dyo nan.

²⁶ Nan aje kwekin lepeŋat karin kunök ko do a ŋa, a nan köti mo kwekiŋdye se, anyen nyaŋu nagon do nyaŋi nan na böŋö gwon kase i mugunya, a nan koti gwe kase i mugunya.