Yakobo 5 - Bibilia Buk na Ŋun nagon koti luŋu a

Ti kwörinikö ködyö lopuŋge töilyet

¹ Nyena yiŋge ta nan, ta ŋutu kwörinikö, gwine ta gwien ko luluje ta lulujö kogwon delyaesi nagon mo ’dukin kasu ki kune.

² Tukwörienjin kasu aje ’bu ’buri, a boŋgwat kasu iŋge nyei ko logwokyo.

³ Dakap se ko pödo kasu aje lo ’dokwe, a ŋina lo ’dokwe nase mo na tokoŋ adi ta a koŋdya arabat, a mo nyesi mugunya kasu gwoso kimaŋ. Ta aje ’du ’du ’yu tukwörienjin kasu i na kak nagon ’du ’duddyo na.

⁴ Ta a ko nyuŋ robba ŋutu lo geŋa kinyojin kasu i meleseno. Yiŋge ta wiwinyesi kase. Gwiesi ti ŋutu lo ’deja ludweki kulo aje ’durökin ko Matat lo kurumi i swö.

⁵ Ta aje si ’da i na kak a monyota ko go na ’but, a ta iŋge pakiŋdya ’börik abur i lyöŋesi kana. Ta aje topiŋö ’borik gwoso toro ’bo a ta gwe ajo i tatua.

⁶ Ta aje ’duŋgo putet lo ŋutu logon ’bak kulya, a ta iŋge tatu lepeŋ, a nye gwe a ko teggu ta.

Gwo ’de ta go ko kwakwaddi ta

⁷ Nyenagon luŋasirik, gwo ’de ta go ’bak dara tojo Matat a po. Mete ta. kakurunit ti dara i mordu na kudwöt ti kiser ko ti ’butun, tojo ko kinyojin kanyit logon ko ’bulit a duma kulo a yoŋe.

⁸ Ta köti agu ködyö gwo ’dan go ’bak dara ko toilyet iŋgo, kogwon Matat gwe nyona ko po.

⁹ Luŋasirik, an ta ko wiwinya ta ko ’borik arabat, an kulya kasu ’dunöki arabat. Meddi ta, ka ’duŋonit malu gwogwo ’dan i kotumit.

¹⁰ Luŋasirik, yiyiuŋdye ta nebijin logon koju a jambu i karin ti Matat kulu, ti lepeŋat gwe a miret na nonga na sasanyesi se ko na gwo ’dan go.

¹¹ Mete ta, yi lung tin titu logon a gwo ’dan go tojo ko ’dutet kulo a kalyönök. Ta aje yiŋ kulya ti nopaddu na Eyobo tojo ko ’dutet, a ta inge den ko Matat a konakin lepeŋ nyo i ’dutet. Kogwon Matat a jore kowon na konyen se ko yatakiŋdya.

¹² Ama luŋasirik kwe, lwölwön ŋo liŋ, an ta ko milyeju ta i ’diŋdya na ki, kode i ’diŋdya na kak, kode i ’diŋdya na nene no. Ama ko ruket nasu gwon a Ee, a ti nye gwe a Ee, ama ko gwon a ’Bayin, a ti gwe a ’Bayin, anyen kulya kasu bono gwon ti ’duŋoki arabat.

¹³ Lele nuto nona kata kasu kiden logon nonoŋga le? Ti nye kwakwaddi kwakwaddu. Lele kata logon a kalyoni le? Ti nye yo ’yi pupuresi.

¹⁴ Lele kata kasu kiden logon a gilö le? Ti nye luŋgi temejik ti ŋutu lo momora a kanisa, anyen se kwakwaddu ko lepeŋ, a we ’yi lepeŋ ko welet ’diŋdya karin ti Matat.

¹⁵ A ko nutu kwakwaddu ko yupet, a nuto lo gilo lo mo lwokoni lwokö, a Matat mo toniji lepeŋ ki i dotoet; a ko nye a toroŋdya, a nye mo pitokine pitöki.

¹⁶ Nyenagon totuke ta toronjin kasu ko ’borik, ko kwakwasakiŋdye ta ’borik, anyen ta bönö totobiala. Kwakwaddu na nuto lo rigwo gwon ko riŋit a duma i koŋdya na no Jore.

¹⁷ Eliya koju a nuto gwoso yi. Lepeŋ a kwakwaddu ko pusok a duma parik anyen kudu gwon ti ’don, a kudu gwe a ko ’don i kak kinajin musala ko yapala buker.

¹⁸ A nye koti kwakwaddi kwakwaddu a ki to ’doji kudu, a kak rade ludweki koti.

¹⁹ Luŋasirik kwe, ko lele losu a lyanara kano i kulya ti to ’diri, a lele nuto inge nyokun lepeŋ bot kbti,

²⁰ dene ta den adi, nuto lo nyokuŋdyo katoronyanit bot i kiko lo lyangi lepeŋ lo aje lwok kodudwo na ŋilo nuto i twan, a tiŋdi toronjin jore i lala aji kano.