Yakobo 3 - Bibilia Buk na Ŋun nagon koti luŋu a

Kulya ti ŋedep

¹ Luŋasirik kwe, ti Jore kasu gwe ti gwon a katodinok, kogwon ta deden adi yi lo totodiŋdyö kulo mo ’du ’duŋoki putet logon Iwolwoŋ lo kulye ŋutu.

² Kogwon yi liŋ lyalyaŋi daŋin Jore, a ko ŋuto logon ti lyaŋan i kulyaesi kanyit lo lepeŋ a ŋuto lo ’but liŋ. Ŋilo Ŋuto bubulo saŋu mugun nanyit liŋ.

³ Koyi a kwakakiŋdya witiot i kutusen ti kusanjin anyen se twoju yi, yi koti bubulo wowöriŋoddu lepeŋat.

⁴ Koti yeyeji ta ki ’bojin. Lepeŋat a dumalak a se wuköjine ko köbuŋöton iŋgo, ama monye ki ’bo bubulo woworiodddu se ko layi na ’dit parik i piritön nagon nye ’de ’dekan tu kata.

⁵ Nyena ŋedep koti gwon sona. Lepeŋ a ŋo lo ’dit parik i mugun liŋ na ŋutu, ama lepeŋ pupurja mugun ko kulyaesi dumalak. Yeyeji ta, rudu duma ama kimaŋ na ’dit ’yu ’yur lepeŋ!

⁶ Nyena ŋedep gwon gwoso kimaŋ, lepeŋ gwoso kak naron. Lepeŋ gwon ko ŋutu i mugun a koŋi mugun liŋ. Lepeŋ ’yu ’yur ru ’bukuluŋ na ŋutu ko kimaŋ na po i Geena!

⁷ Ŋuto bubulo tupoto ’yu gweyarijin liŋ ti kijakwa, ko ti kwen, ko ti ŋo lo gwöŋtu kak, se ko lo gwon i tor kata,

⁸ ama ŋutu ti bulo tupötö ’yu ŋedep. Lepeŋ a loron, a lokulyem, ajore ko kisum nagon tatatuja ŋutu.

⁹ Yi pupurja Matat logon a Monye likaŋ ko nye, a yi koti momoroji ŋutu logon gweya gwoso gwuluet na Ŋun kilo ko ŋilo ŋedep lo geleŋ lo.

¹⁰ Pupuŋa se ko momoröju lupe kaŋo i kutuk na geleŋ na. Kine kulya ködyö ti gwon sona pon luŋasirik kwe.

¹¹ Piŋo na ’but se ko piŋo nagon a ’balaŋ ŋona bubulo lelekun kaŋo i kinat lo piŋo geleŋ le?

¹² Luŋasirik kwe, ki ’bi ŋona raradan ludweki ti Jeitun le? Kode kodini lo binyo ŋona raradan ludweki ti ki ’bi le? Nyena piŋo nagon a ’balaŋ ti bulo lelekun a na ’but.Koŋon nagon po ki yu

¹³ Ŋuto ŋona kata kasu kiden logon a lokoŋ ko kukurun kulya le? Ti gwiliŋit lonyit ko ti konesi kanyit kwekiŋdye tokoyok nagon pukun i koŋon nagon a gwak.

¹⁴ Ama ko ta gwon ko yulon na pötwör se ko bu ’ya nasu na ’borik kasu i toilyet adi ta a temakiŋdya, an ta ko bu ’ya ta ’borik, ko jambu ta ’buröno, a lauŋdye kulya ti A to ’diri.

¹⁵ Koŋon gwoso ŋina a ko po i na kak ki yu, ama a na kak ni, ko a na mugun, ko a na Satani.

¹⁶ Kogwon ko yulon se ko bu ’ya na mugun i gwon a temejiktyo gwon kata, koti a köburet se ko konesi liŋ narok gwe kata.

¹⁷ Ama koŋon na po ki yu na, a kokwe a nake, lepeŋ a na taliŋ, ko a nakoyok. Ŋina koŋon tiŋdu ŋutu i yiŋga na yeyeesi ti kulye Ŋuto; lepeŋ a jore ko yatet, a rade ludweki lo ’but, lepeŋ ti nyunyumbö ŋutu, ko ti mumuluŋga.

¹⁸ Ŋutu lo joŋdya taliŋ kilo ’yuddu nyomot ti taliŋ a geŋi ’butun lo löti lo rigwo.