Yakobo 2 - Bibilia Buk na Ŋun nagon koti luŋu a

An ta ko nyunyumbo ta ŋutu

¹ Luŋasirik kwe, ta a kayupok ti Matat likaŋ Yesu Kristo Matat lo minyo, an ta ko nyunyumbo ta ŋutu.

² Ko lele ŋutu logon a jupu ’bura gwon ko katiman ti dakap kanyit i konisi lo ködyö a po kasu i momoret, a lele lomeri köti iŋge po logon a jupu kereketwat,

³ a ko ta twöju ŋutu logon a Jupu ’bura lo, a takiŋdye lepeŋ adi, Böŋö si ’dakine i na si ’daet na ’but na, a takiŋdye lomeri lo adi, Gwo ’de yu, kode adi, Si ’dakine kak i kujoŋ nyona ko mokosi kwe.

⁴ Ta gona ’bayin a kakorak ti ’borik, a gwe a kaliliyak lo gwon ko yeyeesi narok le?

⁵ Luŋasirik kwe lo nyanyara, yiŋge ta. Ti gwon sona adi Ŋun a wulökin ŋutu lomerika ti na kak anyen gwon a kwörinikö i yupet, ko anyen wuju go na ’but ti tumatyan nagon nye a milyekin tiŋdu ŋutu logon nyanyar nye kilo le?

⁶ Ama ta lalaun lomerika. Ti gwon a kwörinikö lo ru ’ya ta le? Ti gwon a selo jiggö ta i putet le?

⁷ Ti gwon a se lo ’dö ’döju lepeŋ lo luggu ta ko karin kanyit nakwekwelen lo le?

⁸ Ama ko ta ’de ’dep saret lo Mor logon a wurö adi, Do ködyö nyanyar marate ilot gwoso mugun inot, a ta aje koŋdya ’bura;

⁹ ama ko ta nyunyumbö ŋutu, ta a koŋdya toron, a Saresi ti Ŋun ’duŋokiŋdye ta adi ta a katoronyak to Kogwon ko ŋutu a ka ’depanit lo Saresi ama a nye ’beleŋgi lele geleŋ, kweja adi lepeŋ a ’beleŋgu saresi liŋ.

¹⁰ Kogwon nye logon a kulya adi, Do ködyö ti lubbö, köti a kulya adi, Do ködyö ti tatuja ŋutu.

¹¹ Nyena ko do ’bayin a kalupe ama ko do a katatuanit, do aje wora a ka ’beleŋonit lo saresi.

¹² Nyena jambi ta ko kitani ta gwoso ŋutu logon mo ’duŋöki ko saret logon tiŋdu ŋutu i gwon a lui.

¹³ Kogwon ŋutu logon ti yatakiŋdya lo mo ’duŋöki ’bak yataki, ama yatakiŋdya te ’ya ’duŋöki na putet.

Yupet ko konesi

¹⁴ Luŋasirik kwe, ’bulit a nyo i ŋutu logon kulya adi nye gwon ko yupet, ama ti koŋdya nene go nagon kwekiŋdya ŋina yupet nanyit? ŋina yupet gona lwölwök nye le?

¹⁵ Ko luŋaser kode kiaser ’bak boŋgwat a gwe ’bak kinyo temba i lor,

¹⁶ a ko lele losu a kulya ko se adi, Iti ta ’bura, ti mugunya kasu yuke yuk, ko ti ta yimönöni yimönö, ama ko nye a ko tiŋdu se go nagon mugunya kase ’de ’deggi kune, a ’bulit kirut gwe a nyo?

¹⁷ Nyena gwon sona i kulya ti yupet. Ko yupet ’bak konesi a nye gwe a go nagon a twan.

¹⁸ Ama ŋutu bubulö kulya adi, Lele ŋutu gwon ko yupet a lele gwe ko konesi. Nyena a nan waddi adi, Kweki nan yupet inot nagon a ko mora ko konesi na, a nan de kwekiŋdye do yupet nio i go na kon nan kune.

¹⁹ Do ŋona a yuŋ adi Ŋun geleŋ kata? A na ’but. Mulökö lorok köti yubbö sona a kujönöni kujönö.

²⁰ Do ŋutu lu ’böŋ! Do a ko den le adi yupet nagon ’bak konesi na gwon gwoso ŋutu nagon a ’baŋ?

²¹ Kulya ti Abarayama merenye likaŋ koju a tetenaki rigwo ko Ŋun i komor kogwon ŋo na kon nye na, na wukiŋdye nye ŋuro lonyit Yisaka i pirit ’yuret na rubaŋgajin nu. Ti gwon sona le?

²² Do a met adi lepeŋ a kita ko yupet i pirit na geleŋ, a yupet nanyit iŋge temakiŋdya ajo i ŋo nagon nye a kon na.

²³ a kulya ti Ŋun na wuro kune iŋge temakiŋdya a gwak adi, Abarayama a yubbo Ŋun, a Ŋun ruŋge lepeŋ a ŋuto lo rigwo kanyit i komor kogwon yubbo nanyit, a Ŋun luŋgi lepeŋ a ju lonyit.

²⁴ Nyena ta a met adi, ŋuto a tetenaki rigwo ko Ŋun i komor kogwon ŋo na kon nye kune, ti gwon a yupet ka ’de na tetenakiŋdya lepeŋ a lo rigwo.

²⁵ Raba kawute koti koju a tetenaki rigwo ko ŋun i komor kogwon konesi kanyit, i diŋit na wuji nye luyökie, a yutaddi lepeŋat anyen tiri lele kiko nu. Ti gwon sona le?

²⁶ Kogwon ko ru ’bayin ko ŋuto i mugun, ŋutu twatwan, nyena koti ko yupet ’bak konesi lepeŋ a ŋo nagon a twan.