Yakobo 1 - Bibilia Buk na Ŋun nagon koti luŋu a

Romesi

¹ Nan Yakobo a kölipönit lo Ŋun ko a lo Matat Yesu Kristo. Nan roman ko kötumiton puök wot murek nagon a rekin i kak ’bukuluŋ kine.

Kulya ti yupet se ko koŋon

² Luŋasirik kwe, yeyene ta yeye adi ko temesi ka ’de ka ’de a ’dukin kasu, kine a ŋo lyöŋesi,

³ kogwon ta deden adi, ko yupet nasu a tema a nye mo tiŋdi ta i gwo ’dan go.

⁴ Ama ta kodyö gwo ’dan go tojo ko ’dutet, anyen ta böŋo tetemakiŋdya a gwe a loke, a tine karakin kiden.

⁵ Ama ko lele losu a karakin kiden a koŋon nanyit gwe a na ’dit, ti nye pipije ŋun, a mo tiŋdi nye; kogwon Ŋun titiŋdu abur i ŋutu liŋ ’bak ririŋga.

⁶ Ama ti nye agu pie ko yupet ’bak dyadya ’yu, kogwon ŋuto lo gwon ko dyadyalesi lo gwon gwoso yala lo tör logon a yalaŋ ko köbuŋot a iŋge kobuŋö.

⁷ Ŋuto gwoso ŋilo agu ti yeŋdu adi Matat titikin nye nene ŋo,

⁸ kogwon lepeŋ gwon ko yeyeesi murek a luluŋte luluŋtö.

Kulya ti tolomerian se ko tukworien

⁹ Ti luŋaser lo yubbö logon a lomeri lo lyoŋi lyöŋön ko Ŋun a toduma ’yu lepeŋ.

¹⁰ Köti ti luŋaser lo yubbö logon a kwörinit lo lyoŋi lyöŋön ko Ŋun a to ’dit lepeŋ. Kogwon ŋutu logon a kwöriŋikö kilo mo ’ba ’baka gwoso köturön ti mu ’diŋ.

¹¹ Kogwon ko kolor sa ’yi pape ko köbuŋöt lo yulöŋ, a teteyoŋdi döru adi kuyum, a köturön kanyit ’do ’done kak, a kwelen nanyit iŋge körö asut. Nyena ŋuto kworinit lo mo kakaŋu sona i kepoddu na kitajin kanyit.Ŋogga na temesi se ko te ’ya

¹² Ŋuto logon ŋoŋoŋga temesi lo gwon a kalyöŋi, kogwon ko nye a te ’ya temet, a nye mo wuji Iŋguya telet logon a ru. Ŋina ru Ŋun a milyekin tiŋdu ŋutu logon nyanyar nye kilo.

¹³ Ko ŋuto a tema ko temet gwoso ŋina, lepeŋ ködyö ti kulya adi, Ŋun lo temba nan, kogwon Ŋun ti bulö tema ko toron, a lepeŋ köti tine bulö temba lele ŋuto kwöŋ.

¹⁴ Ama ŋuto tema i diŋit nagon ’dekesi kanyit narok a lulukaddu lepeŋ, a mumuluŋge lepeŋ.

¹⁵ A kirut ’dekesi kanyit narok piŋge pigga gwoso ŋuto nakwan, a yuŋuŋdye toron, a ko toron aje ’duŋö a duma a worani a twan.

¹⁶ An ta ko mumuluka ta pon luŋasirik kwe lo nyanyara.

¹⁷ ’Dokesi liŋ nagon Ŋun ’doggi ŋutu kune a na ’but. ’Dokesi nake liŋ po kak ki yu ko Ŋun Monye lo pararajin. Lepeŋ ŋupi gwon jojo ti löpuggö kwöŋ, lepeŋ ti gwon gwoso kolor nagon mimijörö a kölökiŋdye tölimöt.

¹⁸ A nye yuŋuŋdye yi gwoso na ’deggi nye na kogwon kulyaet lo to ’diri, anyen yi ködyö gwon gwoso ludweki waŋesi i ŋo liŋ na gwe nye kune.

Yiŋga ko koŋdya

¹⁹ Luŋasirik kwe lo nyanyara, dene ta den kine kulya. Ama ti ŋutu liŋ agu kodyo yiŋge yiŋga ’de ’de, ti se ’dore ’dor jambu, ko ti se ’dore ’dor woran.

²⁰ Kogwon woran na ŋuto teggu kulya na rigwo ti Ŋun i tu ŋerot.

²¹ Nyenagon paji ta go liŋ nagon a lut se ko toronjin kasu na ’duroddu ki jore kine, ko gwe ta a lokoyokak i wuju na kulyaet logon lepeŋ a ’yutikin kasu i toilyet lo. Ŋilo kulyaet bubulo Iwoggu ta.

²² Ko mumuluŋga ta ’borik i yiŋga na gilo kulyaet kana, ama kone ta kon.

²³ Kogwon ko ŋuto logon yiŋga ŋilo kulyaet a gwe a ko kon lo, lepeŋ gwoso ŋuto logon meddya komor nanyit i maŋöara;

²⁴ kogwon lepeŋ meddya mugun a iti tu, a ’de ’de a lepeŋ bogon i boŋo ko nye gweya ada.

²⁵ Ama ŋutu logon memet saret logon a lo ’but liŋ logon jujukin tiŋdu ŋutu i gwon a lui lo, a ko ŋilo ŋutu yegon nyin a tine boŋo go nagon nye a yiŋ kune, ama a kone kon, ŋilo ŋutu gwon a kalyoŋi i konesi kanyit.

²⁶ Ko lele ŋutu yeyeju adi nye a lo ŋun, ama a nye tine teŋgu ŋedep lonyit, ŋilo ŋutu mumuluŋga mugun, a twoju nanyit gwe a go kana.

²⁷ Twoju nake nagon ’bak yuyuket ko Ŋun Monye i komor gwon sona adi, ŋutu ködyö garakiŋdya kikijiko ko karu ’bejin i delyaesi kase, koti ti ŋutu tiji ’börik an ’yota ko lut ti na kak.